Veiði

Veiðitölur úr Veiðivötnum

Karl Lúðvíksson skrifar
Ísarr Edwinsson með 15 punda urriða úr Veiðivötnum.
Ísarr Edwinsson með 15 punda urriða úr Veiðivötnum. Mynd: Edwin Árnason

Nú birtast eins og fyrri sumur vikulegar veiðitölur úr Veiðivötnum á heimasíðu vatnana og það er áhugavert að skoða gang mála.

Mesta veiðin í er Snjóölduvatni en þar er hægt að moka upp smábleikju sem er venjulega um 1-2 pund en prýðilegur matfiskur. Heildarveiðin í vatninu er 2039 fiskar og þar af 20 urriðar. Í öðru sæti er Litli Sjór en þar hafa veiðst 716 fiskar, allt urriði. Nýjavatn er svo í þriðja sæti með 647 fiska, Önnur vötn sem eru komin yfir 100 fiska eru Breiðavatn, Eskivatn, Grænavatn, Hraunvötn, Langavatn, Stóra Fossvatn og Skálavatn. 

Veiðivötn eru eitt vinsælasta veiðisvæði landsins og þangað streyma veiðimenn á hverju sumri til veiða. Eitthvað er til af lausum stöngum í sumar svo þeir sem hafa ekki kynnst vötnunum ættu klárlega að gera það því það eru fá veiðisvæði á hálendinu jafn ægifögur og þetta magnaða svæði. Listann yfir aflatölur í vötnunum ásamt lausum stöngum má finna á www.veidivotn.is




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.