Ekki nýta samninginn í pólitískum tilgangi

Steinunn Ása Þorvaldsdóttir skrifar 12. maí 2022 15:31

Samningurinn um réttindi fatlaðs fólks er mikilvægt plagg. Hann er eitt stærsta verkfærið okkar í baráttunni fyrir réttindum fatlaðs fólks. Við eigum að bera virðingu fyrir honum skilyrðislaust.

Það er óþægilegt að sjá fólk sem þekkir hann ekki nota hann í pólitískum tilgangi.

Samningurinn var fullgiltur árið 2016 en hann hefur ekki verið lögfestur að fullu. Það verður að uppfæra lögin svo við uppfyllum samninginn og bætum réttindi alls konar fólks með fötlun. Ríkisstjórnin þarf að hlusta á það að samningurinn verður að vera lögfestur að fullu núna. Ekki bíða með það.

Það var sorglegt að sjá frambjóðanda Framsóknarflokksins í Hafnarfirði reyna að nota samninginn án þess að þekkja hann, þegar hann lofaði að fullgilda samninginn mörgum árum eftir fullgildingu en án þess að hann sé lögfestur. Hans eigin flokkur er í ríkisstjórn og getur breytt því.

Þetta er enn eitt dæmi um stjórnmálafólk sem talar um fatlað fólk en ekki við það. Ekkert um mig án mín.

Höfundur er baráttukona fyrir réttindum fatlaðra.

Viltu birta grein á Vísi? Sendu okkur póst.

Senda grein

Málefni fatlaðs fólks Skoðun: Kosningar 2022 Framsóknarflokkurinn Hafnarfjörður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.