Formúla 1

Ferrari-menn fremstir á ráspól

Hjörvar Ólafsson skrifar
Ferrari-ökumennirnir Charles Leclerc og Carlos Sainz ræsa fyrstir í Miami á morgun. 
Ferrari-ökumennirnir Charles Leclerc og Carlos Sainz ræsa fyrstir í Miami á morgun.  Vísir/Getty

Charles Leclerc verður á ráspól þegar keppt verður í Formúlu 1 í Miami á morgun en liðsfélagi hans hjá Ferrari, Carlos Sainz, mun leggja af stað í öðru sæti.

Ríkjandi heimsmeistari, Max Verstappen, verður svo þriðji þegar ræst verður við Hard Rock-leikvanginn.

Verstappen gerði mistök þegar hann freistaði þess að eiga besta hringinn í tímatökunni en samherji hollenska ökuþórsins, Sergio Perez, varð fjórði í dag.  

Valtteri Bottas, sem keyrir fyrir Alfa Romeo og Mercedes-ökuþórinn Lewis Hamilton komu þar á eftir. 

Mikil eftirspurn var eftir miðum á tímatökuna og kappaksturinn í Miami en Formúla 1 nýtur síaukinna vinsælda í Bandaríkjunum. 

Á meðal rúmlega 82,500 áhorfenda í dag var fyrrverandi forsetafrú Bandaríkjanna Michelle Obam. 

„Það er ótrúlegt að fylgjast með því hvað áhuginn á Formúlunni hefur vaxið í Bandaríkjunum síðustu ár og það verður gaman að keppa hérna á morgun," sagði Leclerc sem er efstur í baráttunni um heimsmeistaratitilinn fyrir keppnina á morgun.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.