Atvinnulíf

Besta leiðin til að brjóta niður stereótýpur er að hlægja að þeim

Rakel Sveinsdóttir skrifar
Rúna Magnúsdóttir leiðtogaþjálfi og markaðs- og kynningastjóri SVÞ byrjar ekki aðeins daginn á klukkutíma hugleiðslu heldur einnig að gefa sér nokkrar mínútur í það á morgnana að ákveða hvaða ásetning hún vill setja inn í daginn. Rúna segir ansi magnað að byrja daginn á þessu en að ákveða ásetning dagsins var eitthvað sem hún byrjaði að gera í miðju Covid.  
Rúna Magnúsdóttir leiðtogaþjálfi og markaðs- og kynningastjóri SVÞ byrjar ekki aðeins daginn á klukkutíma hugleiðslu heldur einnig að gefa sér nokkrar mínútur í það á morgnana að ákveða hvaða ásetning hún vill setja inn í daginn. Rúna segir ansi magnað að byrja daginn á þessu en að ákveða ásetning dagsins var eitthvað sem hún byrjaði að gera í miðju Covid.   Vísir/Vilhelm

Rúna Magnúsdóttir markaðs- og kynningastjóri Samtaka verslunar- og þjónustu (SVÞ) og leiðtogamarkþjálfi segir stereótýpur eitt af því sem fær hana alltaf til að springa úr hlátri. Enda hafi hún lært að það að hlægja að þeim sé besta leiðin til að brjóta þær niður.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég er fyrir langa löngu búin að venja mig á að vakna í kringum klukkan sex á morgnana. Þetta er svo mikill vani að ég er stundum að bíða eftir því að klukkan hreinlega nái því að verða sex.“

Hvað er það fyrsta sem þú gerir á morgnana?

Er orðin alvarlega háð því að taka um það bil 60 mínútna hugleiðslu í byrjun dags.

Svo um miðjan COVID fór ég að stúdera máttinn í því að setja sér skýran ásetning inní daginn og hef verið að gefa mér að minnsta kosti nokkrar góðar mínútur til að ákveða hvaða ásetning ég vil setja inní daginn, það er ansi magnað að byrja daginn á því.

Svo er það góður kaffibolli stundum tveir bollar, knús og spjall með mínum allra besta Óla áður en ég kasta mér inní verkefni dagsins.“

Hvað í daglegu lífi fær þig alltaf til að springa úr hlátri?

„Það er sem betur fer svo ótalmargt sem fær mig til að grenja úr hlátri. Spjall í göngutúr með henni Bjarneyju vinkonu minni endar oft á því að það fer einn eða tveir dropar í buxurnar af hlátri, en okkur hefur dottið svo margt klikkað skemmtilegt í hug á þessum göngutúrum og framkvæmt í kjölfarið, til dæmis að miðaldra túttur að rúlla á raf-hlaupahjólum um landið sem varð að Roll Around Iceland verkefninu.

Svo verð ég að viðurkenna að mér finnst í dag allt í kringum stereotýpur hrikarlega fyndið.

Ég áttaði mig nefnilega á því ekki fyrir alls löngu að ein besta leiðin til að brjóta niður stereotýpur væri að hlægja af þeim. 

Eins og til dæmis þegar ég áttaði mig á því að ég gerði í einlægni ráð fyrir því að konur væru samvinnuþýðar, blíðar og góðir hlustendur og karlmenn væru sterkir leiðtogar… ég meina… þvílík steypa, þetta er auðvitað bráðfyndinn farsi að trúa á þessar stereotýpur, ekki satt?“

Rúnu finnst allt í kringum stereótýpur bráðfyndið enda byggi þær oftar en ekki á einhverjum farsakenndum hugmyndum. EIns og til dæmis  karlmenn séu alltaf sterkir leiðtogar eða konur séu alltaf samvinnuþýðar og blíðar. Rúna segir bestu leiðina til að brjóta niður stereótýpu einfaldlega að gera grín og hlæja en eitt af því sem Rúna sérhæfir sig í sem leiðtogaþjálfi er að fólk festist ekki í einhverjum fyrirfram skilgreindum hugmyndum og boxum. Vísir/Vilhelm

Í hvaða verkefni ertu að vinna helst í þessa dagana?

„Verkefnin framundan eru fjölbreytt að vanda. Hjá SVÞ er það vinna við spennandi stefnumótun og framtíðarsýn sem er framundan sem mér finnst alltaf hrikarlega gaman að vinna með.

Þá er ég vinnan hjá #NoMoreBoxes The Transformational Movement í tengslum við útgáfuna á Manifesto-inu okkar um nýju útgáfuna af jafnrétti kynjanna að opna á spennandi möguleika. 

Manifesto-ið er að fá athygli og þegar búið að opna á ótal mörg tækifæri til að tala á alþjóðlegum ráðstefnum, hlaðvörpum og í öðrum miðlum, enda er þessi yfirlýsing um jafnrétti kynjanna fyrir marga mjög öðruvísi og langt út-úr-boxinu en aðrar jafnréttis yfirlýsingar.“

Hvernig skipuleggur þú þig í vinnu?

Ég nota dagatalið og ‘task’ fyrir daginn „akkoti“ mikið dagsdaglega. Hins vegar þegar ég er að vinna að stærri verkefnum vinn ég með endaútkomuna í huga og skipulegg mig aftur-á-bak. 

Til dæmis þegar að ég skrifaði bækurnar mínar þá setti ég niður dagsetningu þar sem bókin átti að koma út og skipulagði mig svo afturábak frá þeim tíma. 

Ég hef notað þess konar skipulagningu í stærri verkefnum, því að þannig hefur mér fundist ég hafa skýra sýn á framgangi verkefnisins.“

Hvenær ferðu að sofa á kvöldin?

„Mér finnst geggjað að vera komin uppí rúm jafnvel fyrir klukkan tíu og vera komin inn í draumalandið um hálf ellefu. Oftast tekst það, en stundum ekki.“


Tengdar fréttir

Langaði eitt sinn alltaf að vera jafn gordjöss og Palli

Jóhannes Skúlason framkvæmdastjóri Samtaka ferðaþjónustunnar segir það ákveðnar gæðastundir að hrista börnin fram úr rúminu á morgnana þótt allir séu þá hálf sofandi og úrillir. Enda gangi mjög líklega B-mennskan í erfðir.

„Amma mín á Akureyri gerði heimsins bestu kjötsúpu“

Með tvö lítil börn er ekki laust við að bensínið sé búið um tíuleytið á kvöldin segir Salóme Guðmundsdóttir, stjórnarkona og sérfræðingur í nýsköpun sem um þessar mundir er í fæðingarorlofi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.