Samstarf

Upplifa íslenska náttúru í sængurfatnaði frá Lín Design

Lín Design
„Hótel og gististaðir velja í auknum mæli rúmföt úr náttúrlegum efnum sem endast vel til að mæta kröfum gesta."
„Hótel og gististaðir velja í auknum mæli rúmföt úr náttúrlegum efnum sem endast vel til að mæta kröfum gesta."

Lín Design hannar og framleiðir hágæða rúmfatnað úr náttúruvænum efnum fyrir heimili, hótel og gististaði. Ferðamenn sem sækja landið heim vilja ekki síst upplifa íslenska náttúru og hreinleika hennar og gera ríka kröfu um umhverfisvitund gististaða.

„Hótel og gististaðir velja í auknum mæli rúmföt úr náttúrlegum efnum sem endast vel til að mæta kröfum gesta. Þá er umhverfisvitund sterk meðal fólks og ferðamenn sækja frekar í fyrirtæki sem geta boðið umhverfisvæn rúmföt og vörur úr efnum sem brotna niður í umhverfinu. Þetta á ekki síður við íslenska ferðamenn en þeir gera jafnan miklar kröfur. Þetta eru dýrar ferðir og fólk vill allan pakkann. Eitt af því sem skiptir höfuð máli er góður svefn, ekki síst á ferðalögum, og upplifunin af því að sofa við góð rúmföt úr náttúrlegum efnum er hótelum og gististöðum mikilvæg. Umsagnir ferðamanna á vefsíðum hafa mikið að segja,“ segir Ágústa.

Umsögn frá Diamond Suites sem er fimm stjörnu hótel í Keflavík.

„Erlendir ferðamenn sem vilja koma til Íslands koma fyrir náttúruna og við bjóðum upp á rúmföt og fleiri vörur sem byggja á Íslenskri náttúru. Þar má nefna rúmföt með munstrum eins og biðukolla, blóðberg, gleym mér ey og hvönn svo segja má að fólk leggist til hvíldar í íslenskri náttúru.“

Ferðamenn kaupa sængurver ef þeir sofa vel

Ágústa bendir á að hótel og gistihús geti aukið tekjur sínar með því að bjóða rúmfatnaðinn og fleiri vörur til sölu. Ferðamenn vilja taka með sér minjagrip úr ferðinni sem minnir þá á Ísland.

„Margir ferðamenn kaupa hjá okkur rúmfatnað eftir að hafa sofið vel undir sæng og sængurfatnaði frá okkur á hóteli. Sængurnar okkar eru úr vistvænum andadún og vottaðar. Þá eigum við til mikið úrval af öðrum vörum sem byggja á náttúrunni, til dæmis blóðbergsilminn, ullarteppi úr íslenskri ull með átta blaða rósinni, sem er rótgróin í íslenskri menningu. Við eigum einnig til hágæða baðsloppa fyrir öll kyn, með og án hettu sem eru afar vinsælir,“ segir Ágústa.

Hönnunarráðgjöf

„Við bjóðum upp á heildarútlit fyrir hótel og gististaði, samstæða liti í rúmfötum, handklæðum, rúmteppum og púðum. Við tökum að okkur hönnunarráðgjöf fyrir hótel og gististaði en hjá okkur starfa hönnuðir með mikla þekkingu á hönnun og framleiðslu á textíl. Hvert einasta smáatriði skiptir máli þegar kemur að upplifun gesta og við tökum að okkur verkefni.“

Samfélagsleg ábyrgð hjá Lín Design

„Við leggjum mikla áherslu á samfélagslega ábyrgð og umhverfisvernd í allri okkar hönnun og framleiðslu. Við tökum meðal annars á móti öllu líni til baka sem fólk er hætt að nota og komum því til Rauða krossins í endurvinnslu. Þegar þú kemur með lín til okkar færðu 20% afslátt af nýrri vöru. Við pökkum einnig öllum rúmfötum í púðaver í sama mynstri og rúmfötin og því nýtast umbúðirnar áfram.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.