Klinkið

Kristófer Páll ráðinn til Kóða sem sölu- og markaðsstjóri

Ritstjórn Innherja skrifar
Kristófer er viðskiptafræðingur að mennt og hefur lokið meistaranámi í Strategic Market Creation frá Copenhagen Business School.
Kristófer er viðskiptafræðingur að mennt og hefur lokið meistaranámi í Strategic Market Creation frá Copenhagen Business School.

Kristófer Páll Lentz hefur verið ráðinn til hugbúnaðarfyrirtækisins Kóða sem sölu- og markaðsstjóri Keldunar og Hluthafaskrár.

Síðustu ár hefur Kristófer, sem er viðskiptafræðingur að mennt og hefur lokið meistaranámi í Strategic Market Creation frá Copenhagen Business School, starfað hjá Nathan & Olsen hf. sem vörumerkjastjóri á dagvörusviði. Þar bar hann meðal annars ábyrgð á uppbyggingu og markaðssetningu þekktra vörumerkja á neytendamarkaði.

„Fyrir stuttu síðan gáfum við út nýjar útgáfur af Keldunni og Hluthafaskra.is sem eru lausnir sem ættu að höfða til allra fyrirtækja á Íslandi. Við erum ánægð að fá Kristófer til liðs við okkur til að kynna lausnirnar fyrir mögulegum viðskiptavinum og taka þátt í áframhaldandi vöruþróun í takt við kröfur viðskiptavina,“ segir Thor Thors framkvæmdastjóri Kóða, í tilkynningu.

„Það er mikill heiður að fá tækifæri til að taka þátt í því öfluga starfi og þeirri vegferð sem Kóði er á sem leiðandi fyrirtæki á sviði fjármálalausna. Ég er gríðarlega spenntur fyrir því að leiða sölu og markaðsmál Keldunnar og Hluthafaskrár sem hafa verið í stöðugri þróun og alveg ljóst að þessar vörur sem og aðrar vörur Kóða eiga mikið inni,“ segir Kristófer.

Kóði er íslenskt hugbúnaðarfyrirtæki með sérþekkingu á fjármálasviði og þróar fjártæknilausnir fyrir sérfræðinga á fjármálamarkaði. Vöruframboð Kóða er alltaf að stækka með nýsköpun og þróun, en aðal áherslan er að bæta ákvarðanir í íslensku viðskiptalífi með þróun lausna sem byggja á vönduðum gögnum og vinnslu þeirra.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.