Viðskipti innlent

Fregnir um opnun Wendy's reyndust falskar

Bjarki Sigurðsson skrifar
Veitingastaður Wendy's við Union Square í New York.
Veitingastaður Wendy's við Union Square í New York. Alexi Rosenfeld/Getty Images

Ólíklegt má telja að skyndibitakeðjan Wendy's muni opna útibú á Íslandi á næstunni. Fréttatilkynning þess efnis barst þó fréttastofu í morgun. Við nánari athugun virðist um einhverskonar gjörning að ræða. 

Í tilkynningunni, sem sjá má hér fyrir neðan, sagði að skyndibitastaðurinn Wendy‘s myndi opna á Íslandi á næstunni eftir 16 ára fjarveru. Gert væri ráð fyrir þremur stöðum á höfuðborgarsvæðinu og einum í Leifsstöð. 

Þegar lénið Wendys.is er skoðað kemur í ljós að það er listamaðurinn Odee sem er á bak við það. Odee vakti mikla athygli þegar flugfélagið MOM air var kynnt en síðan kom í ljós að um væri að ræða listgjörning. Hann þvertók fyrir að koma nálægt verkefninu á sínum tíma en þetta var lokaverkefni hans í Listaháskóla Íslands. 

Varnarliðið rak útibú

Skyndibitakeðjan var með veitingastað á varnarsvæðinu á Keflavíkurflugvelli á árunum 1992-2006 sem rekinn var af varnarliðinu. Íslendingum var meinaður aðgangur að staðnum eftir kvartanir eigenda veitingahúsa í nágrenninu. 

TilkynninginVísir

Fréttin hefur verið uppfærð.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.