„Ég er ekki viss um að hann missi neinn svefn yfir þessu“ Snorri Másson skrifar 3. maí 2022 10:05 Ólafur Þ. Harðarson stjórnmálafræðiprófessor hefur verið helsti stjórnmálagreinandi Ríkisútvarpsins í að verða fjóra áratugi og hefur verið kallaður faðir íslenskra kosningarannsókna. Hann fór á eftirlaun frá háskólanum fyrir skemmstu. Ólafur var gestur Íslands í dag í gærkvöld. Þar sagði hann helstu breytingarnar í sinni tíð hafa verið þær að gamla flokkakerfið hefði hrunið og að tveggja flokka stjórnir heyrðu sögunni til. Á sama tíma hafi mótmæli almennings rutt sér til rúms sem mikill áhrifaþáttur í íslenskum stjórnmálum, samanber hrunið og afsögn Sigmundar Davíðs Gunnlaugssonar. Á þeim nótum var Ólafur spurður út í mótmælin sem nú standa yfir hvern laugardag á Íslandi, sem Bjarni Benediktsson fjármálaráðherra hefur sagt að trufli hann ekki. En trufla þau hann þó ekki aðeins? „Ja, hann verður nú að segja það sjálfur. Auðvitað er þetta aldrei þægilegt. En Bjarni er náttúrulega mjög sjóaður stjórnmálamaður og ég er nú ekki viss um að hann missi neinn svefn yfir þessu,“ sagði Ólafur. Ólafur Þ. Harðarson stjórnmálafræðiprófessor segir Bjarna Benediktsson sjóaðan stjórnmálamann, sem ætti að geta þolað ágjöfina núna vegna sölunnar á Íslandsbanka.Vísir/Vilhelm Nýlegar skoðanakannanir hafa sýnt að um 70% landsmanna bera lítið eða mjög lítið traust til Bjarna Benediktssonar. Skoðanakannanir sem gerðar hafa verið um mat almennings á lögmæti bankasölunnar hafa leitt í ljós að flestir telja hana brotið í bága við lög. Bjarni hefur að vísu lýst efasemdum um slíka rannsókn; sagt að með öðru eins sé stofnað til dómstóls götunnar. En geta stjórnmálamenn unnið sig út úr eins snúinni stöðu? „Já, menn geta það. Bjarni hefur mörg líf og hefur lifað af marga brotsjói. Miðað við það ætti hann að hafa þetta af. En hins vegar kemur kannski að því einn brotsjórinn verður of stór,“ segir Ólafur. Nokkuð til í þessu hjá Sigmundi Sigmundur Davíð Gunnlaugsson formaður Miðflokksins hefur ítrekað haldið því fram að ríkisstjórnin hafi starfað í pólitísku skjóli frá heimsfaraldrinum. Að fólk hafi ekki verið að ræða pólitík, heldur bara bregðast við krísuástandi. Bjarni Benediktsson fjármála- og efnahagsráðherra nýtur lítils trausts á meðal 70% landsmanna.Vísir/Vilhelm „Ég held að það sé töluvert mikið til í þessu,“ segir Ólafur. „Þessi ríkisstjórn var fyrst og fremst mynduð árið 2017 utan um stöðugleika. Margir spáðu henni ekki langlífi vegna þess að flokkarnir lengst til hægri og vinstri eru í liði og í raun má segja að það sé grundvallarágreiningur á milli stjórnarflokkanna um mörg meginatriði.“ Eftir hrun segir Ólafur að allar ríkisstjórnir hafi byrjað með 60-80% stuðning í könnunum sem svo hafi farið niður í 30-40% og stjórnirnar svo tapað kosningum. Covid hafi hins vegar breytt stöðunni hjá þessari ríkisstjórn. Fyrir faraldurinn hafi fylgið verið farið að dala, en þegar hann skall á jókst stuðningurinn á ný. „Við höfum séð aðeins vísbendingar um að þetta geti reynst stjórninni erfitt og mér þætti ekki ólíklegt að næsta Gallup-mæling myndi sýna að þetta traust hafi farið niður,“ segir Ólafur. Sjálfstæðisflokkurinn í vandræðum Eins og þekkt er hafa áhrif af bankasölumálinu hríslast inn í sveitarstjórnarmálin í aðdraganda kosninga og Sjálfstæðisflokkurinn mælist með sögulega lágt fylgi í borginni. „Sjálfstæðisflokkurinn í borginni er greinilega í vandræðum og það er ekki nýtt. Það er hins vegar enn þá ómögulegt að segja á hvorn veginn þetta fer. Kosningaspá Kjarnans í augnablikinu gefur meirihlutanum 61% líkur, en ef fylgið [hjá Sjálfstæðisflokknum] heldur áfram að minnka útaf landsmálunum, munu þessar líkur bara aukast. En 60% líkur eru ekki mjög háar líkur, þannig að þetta er enn þá mjög knappt,“ segir Ólafur. Ísland í dag Salan á Íslandsbanka Ríkisstjórn Katrínar Jakobsdóttur Sjálfstæðisflokkurinn Mest lesið Lögregla leitar manns Innlent Fær þyngri dóm fyrir að nauðga konu, taka það upp og senda henni Innlent NEL tekur fyrir mál fjölskyldu Sigurðar Kristófers í júní Innlent Fólki sé vel treystandi til að fá sér bjór á íþróttaviðburðum Innlent Íslendingur í Bandaríkjunum: „Þetta er mjög óþægileg staða“ Erlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Lítil hreyfing á fylgi stjórnmálaflokkanna Innlent Netanjahú segir Starmer, Macron og Carney draga taum Hamas Erlent Fleiri fréttir Lítil hreyfing á fylgi stjórnmálaflokkanna Lögregla leitar manns Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Sjá meira
Ólafur var gestur Íslands í dag í gærkvöld. Þar sagði hann helstu breytingarnar í sinni tíð hafa verið þær að gamla flokkakerfið hefði hrunið og að tveggja flokka stjórnir heyrðu sögunni til. Á sama tíma hafi mótmæli almennings rutt sér til rúms sem mikill áhrifaþáttur í íslenskum stjórnmálum, samanber hrunið og afsögn Sigmundar Davíðs Gunnlaugssonar. Á þeim nótum var Ólafur spurður út í mótmælin sem nú standa yfir hvern laugardag á Íslandi, sem Bjarni Benediktsson fjármálaráðherra hefur sagt að trufli hann ekki. En trufla þau hann þó ekki aðeins? „Ja, hann verður nú að segja það sjálfur. Auðvitað er þetta aldrei þægilegt. En Bjarni er náttúrulega mjög sjóaður stjórnmálamaður og ég er nú ekki viss um að hann missi neinn svefn yfir þessu,“ sagði Ólafur. Ólafur Þ. Harðarson stjórnmálafræðiprófessor segir Bjarna Benediktsson sjóaðan stjórnmálamann, sem ætti að geta þolað ágjöfina núna vegna sölunnar á Íslandsbanka.Vísir/Vilhelm Nýlegar skoðanakannanir hafa sýnt að um 70% landsmanna bera lítið eða mjög lítið traust til Bjarna Benediktssonar. Skoðanakannanir sem gerðar hafa verið um mat almennings á lögmæti bankasölunnar hafa leitt í ljós að flestir telja hana brotið í bága við lög. Bjarni hefur að vísu lýst efasemdum um slíka rannsókn; sagt að með öðru eins sé stofnað til dómstóls götunnar. En geta stjórnmálamenn unnið sig út úr eins snúinni stöðu? „Já, menn geta það. Bjarni hefur mörg líf og hefur lifað af marga brotsjói. Miðað við það ætti hann að hafa þetta af. En hins vegar kemur kannski að því einn brotsjórinn verður of stór,“ segir Ólafur. Nokkuð til í þessu hjá Sigmundi Sigmundur Davíð Gunnlaugsson formaður Miðflokksins hefur ítrekað haldið því fram að ríkisstjórnin hafi starfað í pólitísku skjóli frá heimsfaraldrinum. Að fólk hafi ekki verið að ræða pólitík, heldur bara bregðast við krísuástandi. Bjarni Benediktsson fjármála- og efnahagsráðherra nýtur lítils trausts á meðal 70% landsmanna.Vísir/Vilhelm „Ég held að það sé töluvert mikið til í þessu,“ segir Ólafur. „Þessi ríkisstjórn var fyrst og fremst mynduð árið 2017 utan um stöðugleika. Margir spáðu henni ekki langlífi vegna þess að flokkarnir lengst til hægri og vinstri eru í liði og í raun má segja að það sé grundvallarágreiningur á milli stjórnarflokkanna um mörg meginatriði.“ Eftir hrun segir Ólafur að allar ríkisstjórnir hafi byrjað með 60-80% stuðning í könnunum sem svo hafi farið niður í 30-40% og stjórnirnar svo tapað kosningum. Covid hafi hins vegar breytt stöðunni hjá þessari ríkisstjórn. Fyrir faraldurinn hafi fylgið verið farið að dala, en þegar hann skall á jókst stuðningurinn á ný. „Við höfum séð aðeins vísbendingar um að þetta geti reynst stjórninni erfitt og mér þætti ekki ólíklegt að næsta Gallup-mæling myndi sýna að þetta traust hafi farið niður,“ segir Ólafur. Sjálfstæðisflokkurinn í vandræðum Eins og þekkt er hafa áhrif af bankasölumálinu hríslast inn í sveitarstjórnarmálin í aðdraganda kosninga og Sjálfstæðisflokkurinn mælist með sögulega lágt fylgi í borginni. „Sjálfstæðisflokkurinn í borginni er greinilega í vandræðum og það er ekki nýtt. Það er hins vegar enn þá ómögulegt að segja á hvorn veginn þetta fer. Kosningaspá Kjarnans í augnablikinu gefur meirihlutanum 61% líkur, en ef fylgið [hjá Sjálfstæðisflokknum] heldur áfram að minnka útaf landsmálunum, munu þessar líkur bara aukast. En 60% líkur eru ekki mjög háar líkur, þannig að þetta er enn þá mjög knappt,“ segir Ólafur.
Ísland í dag Salan á Íslandsbanka Ríkisstjórn Katrínar Jakobsdóttur Sjálfstæðisflokkurinn Mest lesið Lögregla leitar manns Innlent Fær þyngri dóm fyrir að nauðga konu, taka það upp og senda henni Innlent NEL tekur fyrir mál fjölskyldu Sigurðar Kristófers í júní Innlent Fólki sé vel treystandi til að fá sér bjór á íþróttaviðburðum Innlent Íslendingur í Bandaríkjunum: „Þetta er mjög óþægileg staða“ Erlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Lítil hreyfing á fylgi stjórnmálaflokkanna Innlent Netanjahú segir Starmer, Macron og Carney draga taum Hamas Erlent Fleiri fréttir Lítil hreyfing á fylgi stjórnmálaflokkanna Lögregla leitar manns Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Sjá meira