Samstarf

Nýtt sportvörumerki hristir upp í markaðnum

4F íþróttavörur
4F er pólsk fatakeðja sem starfrækir 350 verslanir víða um Evrópu. 4F verslun var opnuð í byrjun apríl í Smáralind. 
4F er pólsk fatakeðja sem starfrækir 350 verslanir víða um Evrópu. 4F verslun var opnuð í byrjun apríl í Smáralind. 

„Viðtökurnar hafa verið frábærar. Hér á landi er mikill áhugi á útivist og hreyfingu og 4F býður verð á útivistar- og íþróttafatnaði sem hefur ekki áður sést á íslenskum markaði.

Hjá okkur getur fólk sem dæmi keypt gönguskó, göngubuxur, millilag, primaloftjakka og skel fyrir um 30% til 50% af því verði sem almennt þekkist og gæðin standast fyllilega samanburð,“ segir Hafsteinn Valur Guðbjartsson en hann, ásamt Bjarna Jónssyni, á og rekur sportvöruverslunina 4F í Smáralind sem opnuð var í byrjun apríl.

Verslunin fyllir 200 fermetra í Smáralind.

4F er pólsk fatakeðja sem starfrækir 350 verslanir víða um Evrópu. Hafsteinn kynntist 4F gegnum pólskt samstarfsfólk sitt en fyrir rekur Hafsteinn sjö verslanir sem þjónusta erlenda ferðamenn. Lengi hafði staðið til að bæta verslun fyrir innlendan markaðshóp í flóruna og segist Hafsteinn hafa kolfallið fyrir 4F.

Vörulínan inniheldur alhliða útivistar- og íþróttafatnað.
„Við höfðum lengi leitað að heppilegu merki til að flytja inn. Samstarfsfólk okkar kemur margt frá Póllandi og notar þetta merki mikið. Þau sýndu okkur fötin og við höfðum samband út. 4F bauð okkur í heimsókn og þá var ekki aftur snúið. Búðirnar þeirra eru glæsilegar og vörulínan mjög fjölbreytt,“ 

segir Hafsteinn en 4F framleiða skó og fatnað fyrir alla almenna útivist, skíðaíþróttir, hlaup og göngur. Þá framleiðir 4F einnig vandaðan barnafatnað.

4F framleiðir einnig fatnað á börn og unglinga.

„Gæðin eru af bestu gerð og öll tæknielement til staðar þegar kemur að vatns- og vindheldum fatnaði og primaloft fatnaði. Þá bætast nýjungar við fatalínuna hjá þeim í hverjum mánuði. Við fáum okkar aðra sendingu í næstu viku og erum mjög spennt. Við erum rétt að byrja og það verður gaman að sjá hvar eftirspurnin liggur,“ segir Hafsteinn.

En hver er galdurinn á bak við lágt verð?

„4F byggir á ákveðnu viðskiptamódeli sem við þekkjum til að mynda frá merkjum eins og Lindex. Þau framleiða sína eigin vörulínu og sleppa öllum milliliðum við framleiðsluna. Þau leggja áherslu á samstarf við íþróttafólk í heimalandinu í stað þess að kaupa dýrar alþjóðlegar íþróttastjörnur. Þess má geta að 4F er samstarfsaðili pólsku ólympíunefndarinnar og hefur klætt átta ólympíulið ólíkra þjóða frá árinu 2008. Markahrókurinn Robert Levandoski er ambassador merkisins, og hannar hann og kona hans Anna sem er verðlaunahafi ólympíuleikana í Karate, sínar eigin vörulínu fyrir 4F.“

Upplifun að ganga inn í verslunina

„Ég segi að þetta sé langflottasta fataverslun landsins og stend við það. Upplifunin er einstök þegar fólk gengur hingað inn. Við erum til dæmis með sjö risaskjái í versluninni sem sumir eru fjögurra metra háir. Öll framsetning á fatnaði er áberandi glæsileg,“ segir Hafsteinn. „Ég vil hvetja fólk til að kíkja í heimsókn til okkar og skoða fatnaðinn.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.