Viðskipti innlent

Nova undir­býr skráningu á markað

Atli Ísleifsson skrifar
Margrét Tryggvadóttir er forstjóri Nova.
Margrét Tryggvadóttir er forstjóri Nova. Nova

Nova hefur ákveðið að hefja undirbúning á skráningu hlutabréfa félagsins á Aðalmarkað Nasdaq Iceland. Stefnt að skráningu á fyrri helmingi þessa árs.

Þetta kemur fram í tilkynningu frá félaginu. Þar segir að í aðdraganda fyrirhugaðrar skráningar hafi Nova gengið frá hlutafjáraukningu.

„Tilgangur hlutafjáraukningarinnar er að styðja enn frekar við framtíðarvöxt félagsins og áframhaldandi fjárfestingar svo félagið viðhaldi forskoti sínu í framúrskarandi þjónustu til viðskiptavina sinna.

Samhliða hlutafjáraukningunni hafa núverandi hluthafar selt hluta af eign sinni. Nýir hluthafar eignast um 36% hlut í félaginu. Meðal nýrra hluthafa eru sjóðir í rekstri Stefnis, Íslandssjóða og Landsbréfa. Hluthafalisti ásamt ársreikningi og ítarlegri fjárhagsupplýsingum verður birtur í aðdraganda útboðsins,“ segir í tilkynningunni.

Nova var stofnað árið 2006 og er eitt af stærstu fjarskiptafyrirtækjum landsins. Hjá félaginu starfa um 150 starfsmenn á höfuðborgarsvæðinu, Akureyri og Selfossi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.