Vill fá LeBron í þáttinn þar sem hann hefur ekkert betra að gera

Úrslitakeppni NBA-deildarinnar í körfubolta er farin á fleygiferð en LeBron James og liðsfélagar hans í Los Angeles Lakers eru hins vegar farnir í sumarfrí eftir skelfingar tímabil. Hinn 37 ára gamli LeBron átti persónulega mjög gott tímabil en hann virtist oft á tíðum eini leikmaður liðsins með meðvitund.

Nú hefur hinn 59 ára gamli Charles Barkley, fyrrum leikmaður Phildelphia 76ers, Phoenix Suns og Houston Ruckets, sent Lebron væga pillu. Ásamt Ernie Johnson Jr. Shaquille O´Neal og Kenny Smith þá stýrir Barkley þættinum Inside the NBA sem er einn vinsælasti sjónvarpsþátturinn vestanhafs þegar kemur að NBA-deildinni.

Barkley vill ólmur fá LeBron í þáttinn á meðan úrslitakeppnin er í gangi og hefur sagt beint út að LeBron hafi ekkert betra að gera hvort eð er.

Óvíst er hvort LeBron taki boðinu en það er ljóst að sá þáttur yrði einkar áhugaverður ef af því verður.