„Ekki hægt að kalla neitt annað en einelti“ Eiður Þór Árnason skrifar 13. apríl 2022 21:17 Amelía Rose er gert út af Sea Trips. Sea Trips Varðskipið Þór stöðvaði í morgun skipið Amelía Rose, sem er í eigu Sea Trips Reykjavík, þegar það var að sigla með ferðamenn í hvalaskoðun. Starfsmenn Landhelgisgæslunnar komu um borð í Amelíu Rose, tóku yfir stjórn skipsins og sigldu henni í land. Þegar þangað kom tóku lögreglumenn á móti farþegum og töldu upp úr skipinu. Forsvarsmenn fyrirtækisins gera alvarlegar athugasemdir við þessar aðgerðir yfirvalda og segja þetta í sjöunda sinn sem Ameliu Rose sé snúið við eftir að starfsmenn Landhelgisgæslunnar hafi tekið skipið yfir. Í sex önnur skipti hafi skipinu verið snúið við eftir símtal frá Gæslunni og til viðbótar hafi lögreglumenn mætt fimmtán sinnum þegar skipið leggst að bryggju til að telja farþega að undirlagi Samgöngustofu. „Átyllan er ævinlega sú sama: Amelía Rose er sögð sigla of langt út á haf – miðað við farþegafjölda um borð. Það sem er óskiljanlegt við aðfarir Landhelgisgæslunnar og Samgöngustofu er að vorið 2021 féll dómur í Héraðsdómi Reykjavíkur þar sem Sea Trips var sýknað af öllum kröfum hins opinbera varðandi farsvið og farþegafjölda. Dómnum var ekki áfrýjað,“ segir í tilkynningu frá fyrirtækinu. Þrátt fyrir þetta neiti Samgöngustofa að breyta haffærniskírteini Amelíu Rose í samræmi við niðurstöðu dómsins. Mikilvægt að hafa réttar upplýsingar Ásgeir Erlendsson, upplýsingafulltrúi Landhelgisgæslunnar, segist ekki geta tjáð sig um einstök mál en geti staðfest að Gæslan hafi ítrekað haft afskipti af sama farþegabát á undanförnum árum sem hafi margoft gefið upp rangan farþegafjölda til stjórnstöðvar Landhelgisgæslunnar. Þá hafi umrætt skip siglt með of marga farþega á svæði þar sem farþegaleyfi bátsins leyfir tólf farþega. Ásgeir Erlendsson, upplýsingafulltrúi Landhelgisgæslunnar.Aðsend „Farþegafjöldinn hefur ítrekað verið margfaldur sá fjöldi. Landhelgisgæslan hefur margoft vísað bátnum til hafnar, meðal annars í þessari viku, þar sem lögregla hefur tekið á móti honum og talið farþegana um borð. Auk þess hefur Landhelgisgæslan óskað eftir að báturinn haldi sig innan þess svæðis, nær landi, sem raunverulegur farþegafjöldi leyfir,“ segir Ásgeir í skriflegu svari. Hann bætir við að Landhelgisgæslan líti það afar alvarlegum augum að áhafnir farþegaskipa gefi upp rangan farþegafjölda við upphaf ferðar. „Ef eitthvað hendir sjófarið miðast viðbragðsgeta Landhelgisgæslunnar og annarra viðbragðsaðila við uppgefinn fjölda um borð. Það er því ógn við öryggi farþeganna um borð að gefa vísvitandi upp rangan farþegafjölda, sér í lagi ef tugum munar.“ Segja Samgöngustofu beita fyrirtækið einelti Forsvarsmenn Sea Trips telja sig hins vegar vera í fullum rétti. „Sú meðferð sem Amelía Rose og Sea Trips hafa fengið hjá Samgöngustofu er ekki hægt að kalla neitt annað en einelti. Vart er hægt að finna skýrara dæmi um mismunun opinberra aðila og misbeitingu valds,“ segir í tilkynningu þeirra. Skipið sé búið innisætum fyrir 106 manns og björgunarbúnaði fyrir 125 manns en Samgöngustofa hafi ákvarðað sérstakt hafsvæði sem Amelía Rose verði að halda sig séu farþegar fleiri en tólf. „Þetta sérmerkta hafsvæði á sér ekki stoð í lögum eða reglugerðum, heldur var það markað af starfsfólki Samgöngustofu. Á meðan mega miklu minni bátar, sem ekki eru með sambærilegan öryggisbúnað, sigla með fleiri farþega mun lengra frá landi. Tap Sea Trips vegna þessara aðgerða nemur háum fjárhæðum, vel á annað hundrað milljónum króna.“ Allt hafi verið reynt til að finna lausn á málinu en nú sé staðið frammi fyrir því að framtíð fyrirtækisins og afkoma starfsfólks sé í hættu vegna „vegna óútskýrðrar og óútskýranlegrar mismununar af hálfu opinberra stofnana.“ „Við stöndum áfram á rétti okkar og áskiljum okkur rétt til að sækja bætur vegna þess skaða sem við höfum þegar orðið fyrir, og munum verða fyrir, ef Samgöngustofa lætur ekki af þessari mismunun.“ Sýknaður af ákæru Í dómi Héraðsdóms Reykjavíkur sem var kveðinn upp í apríl 2021 er skipstjóri fyrirtækisins sýknaður af ákæru lögreglustjórans á höfuðborgarsvæðinu. Var sá ákærður fyrir brot á lögum um eftirlit með skipum, reglugerð um öryggi farþegaskipa í innanlandssiglingum og reglugerð um skráningu einstaklinga sem sigla með farþegaskipum með því að hafa, í október 2019, verið við skipstjórn á farþegabáti Sea Trips á Faxaflóa með 55 farþega um borð í bátnum og siglt út fyrir leyfilegt farsvið miðað við farþegafjölda um borð. Einnig gaf hann upp rangan fjölda farþega til Landhelgisgæslunnar þegar lagt var úr höfn þegar uppgefinn fjöldi var ellefu farþegar. Fréttin hefur verið uppfærð. Reykjavík Lögreglumál Landhelgisgæslan Ferðamennska á Íslandi Samgöngur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kolbeinn hafi strokið kynfæri stúlkunnar ítrekað Innlent Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent Spellvirkinn lætur til skarar skríða á ný Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Ótrúlegustu aðskotahlutir gera óskunda í dósatalningarvélum Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Forsvarsmenn fyrirtækisins gera alvarlegar athugasemdir við þessar aðgerðir yfirvalda og segja þetta í sjöunda sinn sem Ameliu Rose sé snúið við eftir að starfsmenn Landhelgisgæslunnar hafi tekið skipið yfir. Í sex önnur skipti hafi skipinu verið snúið við eftir símtal frá Gæslunni og til viðbótar hafi lögreglumenn mætt fimmtán sinnum þegar skipið leggst að bryggju til að telja farþega að undirlagi Samgöngustofu. „Átyllan er ævinlega sú sama: Amelía Rose er sögð sigla of langt út á haf – miðað við farþegafjölda um borð. Það sem er óskiljanlegt við aðfarir Landhelgisgæslunnar og Samgöngustofu er að vorið 2021 féll dómur í Héraðsdómi Reykjavíkur þar sem Sea Trips var sýknað af öllum kröfum hins opinbera varðandi farsvið og farþegafjölda. Dómnum var ekki áfrýjað,“ segir í tilkynningu frá fyrirtækinu. Þrátt fyrir þetta neiti Samgöngustofa að breyta haffærniskírteini Amelíu Rose í samræmi við niðurstöðu dómsins. Mikilvægt að hafa réttar upplýsingar Ásgeir Erlendsson, upplýsingafulltrúi Landhelgisgæslunnar, segist ekki geta tjáð sig um einstök mál en geti staðfest að Gæslan hafi ítrekað haft afskipti af sama farþegabát á undanförnum árum sem hafi margoft gefið upp rangan farþegafjölda til stjórnstöðvar Landhelgisgæslunnar. Þá hafi umrætt skip siglt með of marga farþega á svæði þar sem farþegaleyfi bátsins leyfir tólf farþega. Ásgeir Erlendsson, upplýsingafulltrúi Landhelgisgæslunnar.Aðsend „Farþegafjöldinn hefur ítrekað verið margfaldur sá fjöldi. Landhelgisgæslan hefur margoft vísað bátnum til hafnar, meðal annars í þessari viku, þar sem lögregla hefur tekið á móti honum og talið farþegana um borð. Auk þess hefur Landhelgisgæslan óskað eftir að báturinn haldi sig innan þess svæðis, nær landi, sem raunverulegur farþegafjöldi leyfir,“ segir Ásgeir í skriflegu svari. Hann bætir við að Landhelgisgæslan líti það afar alvarlegum augum að áhafnir farþegaskipa gefi upp rangan farþegafjölda við upphaf ferðar. „Ef eitthvað hendir sjófarið miðast viðbragðsgeta Landhelgisgæslunnar og annarra viðbragðsaðila við uppgefinn fjölda um borð. Það er því ógn við öryggi farþeganna um borð að gefa vísvitandi upp rangan farþegafjölda, sér í lagi ef tugum munar.“ Segja Samgöngustofu beita fyrirtækið einelti Forsvarsmenn Sea Trips telja sig hins vegar vera í fullum rétti. „Sú meðferð sem Amelía Rose og Sea Trips hafa fengið hjá Samgöngustofu er ekki hægt að kalla neitt annað en einelti. Vart er hægt að finna skýrara dæmi um mismunun opinberra aðila og misbeitingu valds,“ segir í tilkynningu þeirra. Skipið sé búið innisætum fyrir 106 manns og björgunarbúnaði fyrir 125 manns en Samgöngustofa hafi ákvarðað sérstakt hafsvæði sem Amelía Rose verði að halda sig séu farþegar fleiri en tólf. „Þetta sérmerkta hafsvæði á sér ekki stoð í lögum eða reglugerðum, heldur var það markað af starfsfólki Samgöngustofu. Á meðan mega miklu minni bátar, sem ekki eru með sambærilegan öryggisbúnað, sigla með fleiri farþega mun lengra frá landi. Tap Sea Trips vegna þessara aðgerða nemur háum fjárhæðum, vel á annað hundrað milljónum króna.“ Allt hafi verið reynt til að finna lausn á málinu en nú sé staðið frammi fyrir því að framtíð fyrirtækisins og afkoma starfsfólks sé í hættu vegna „vegna óútskýrðrar og óútskýranlegrar mismununar af hálfu opinberra stofnana.“ „Við stöndum áfram á rétti okkar og áskiljum okkur rétt til að sækja bætur vegna þess skaða sem við höfum þegar orðið fyrir, og munum verða fyrir, ef Samgöngustofa lætur ekki af þessari mismunun.“ Sýknaður af ákæru Í dómi Héraðsdóms Reykjavíkur sem var kveðinn upp í apríl 2021 er skipstjóri fyrirtækisins sýknaður af ákæru lögreglustjórans á höfuðborgarsvæðinu. Var sá ákærður fyrir brot á lögum um eftirlit með skipum, reglugerð um öryggi farþegaskipa í innanlandssiglingum og reglugerð um skráningu einstaklinga sem sigla með farþegaskipum með því að hafa, í október 2019, verið við skipstjórn á farþegabáti Sea Trips á Faxaflóa með 55 farþega um borð í bátnum og siglt út fyrir leyfilegt farsvið miðað við farþegafjölda um borð. Einnig gaf hann upp rangan fjölda farþega til Landhelgisgæslunnar þegar lagt var úr höfn þegar uppgefinn fjöldi var ellefu farþegar. Fréttin hefur verið uppfærð.
Reykjavík Lögreglumál Landhelgisgæslan Ferðamennska á Íslandi Samgöngur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kolbeinn hafi strokið kynfæri stúlkunnar ítrekað Innlent Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent Spellvirkinn lætur til skarar skríða á ný Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Ótrúlegustu aðskotahlutir gera óskunda í dósatalningarvélum Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira