Samstarf

Fyrsti steypu­fram­leiðandinn til að kol­efnis­jafna allan rekstur

Steypustöðin
Björn Ingi Victorsson forstjóri Steypustöðvarinnar.
Björn Ingi Victorsson forstjóri Steypustöðvarinnar.

Steypustöðinni tókst að kolefnisjafna allan rekstur sinn árið 2021, fyrst allra steypuframleiðenda á Íslandi. Árið áður lækkaði félagið kolefnisspor rekstursins um 65%.

Fyrsta samfélagsskýrsla félagsins er gefin út samhliða umhverfisuppgjöri ársins 2021 og í henni er að finna umhverfisstefnu og þær aðgerðir sem ráðist hefur verið í á síðastliðnu ári.

„Við leggjum ríka áherslu á sjálfbærni í rekstri okkar og ætlum okkur að vera fremst á þessu sviði. Árangurinn sem hefur náðst á undanförnum árum er góður og við viljum með samfélagsskýrslunni auka gagnsæi í starfsemi Steypustöðvarinnar á sviði umhverfis og samfélagsmála og gera grein fyrir árangri okkar og sýna það í verki. “ segir Björn Ingi Victorsson forstjóri Steypustöðvarinnar.

Byggjum bæinn grænan

Byggingargeirinn er talinn ábyrgur fyrir um 40% losunar á heimsvísu og sement talið bera ábyrgð á um 8% losun.

„Stærsta verkefnið er klárlega að minnka áhrifin af hefðbundnu sementi og í dag getum við boðið upp á lausnir sem svo sannarlega minnka þessi áhrif. En við erum hvergi nærri hætt og ætlum okkur að ganga enn lengra á næstu árum,“ segir Björn.

Í samfélagsskýrslunni má finna lausnir sem viðskiptavinir geta valið til að lækka kolefnisspor steypunnar.

Í dag býður Steypustöðin upp á þrjár lausnir til að draga úr kolefnisspori steypunnar strax í dag.

Steypu með 30% minna kolefnisspori

  • Grænt sement mun gera Steypustöðinni kleift að framleiða GrænSterka steypu með allt að 30% minna kolefnisspori. Á þessu ári verða fjölmargar staðlaðar steyputegundir frá Steypustöðinni fáanlegar sem GrænSterk.

Snjallsteypu sem dregur úr sementsnotkun

  • Snjalltækni er eitt þeirra verkfæra sem nota má til að lækka kolefnisspor. Með notkun þráðlausra nema í steypuna sem senda upplýsingar um hitastig og áætlaðan styrk og þornun steypunnar má auka skilvirkni og flýta framkvæmdum. Með snjalltækni næst einnig meiri nákvæmni í blöndun svo ekki fer meira sement í steypuna en þarf.

Endurvinnslu á steypu

  • Með því að nota mulda steinsteypu út í nýja steypu má draga úr kolefnisspori. Þá hefur Steypustöðin notað flugösku, sem er úrgangsefni frá kolorkuverum, og kísilryk sem fellur til við framleiðslu á járnblendi, til að draga úr sementsinnihaldi.

„Með samþættingu þessara lausna má ná töluverðum árangri í að lækka kolefnisspor steypunnar,“ segir Björn.

Þá hefur Steypustöðin gripið til fjölbreyttra aðgerða í innra starfi fyrirtækisins með sjálfbærni að leiðarljósi. Árið 2019 hófst söfnun gagna um kolefnisspor á öllum starfsstöðvum Steypustöðvarinnar til að kortleggja stöðuna og nú er fylgst rafrænt með allri losun. Dregið var markvisst úr akstri bílaflota fyrirtækisins með skilvirku dreifikerfi sex steypustöðva víðsvegar um landið. Koltvísýringsútblástur nýjustu steypubílanna er skráður. Þá er náið samstarf haft við viðskiptavini og samstarfsaðila í stórum, flóknum og nýstárlegum verkefnum og unnið að frekari þróun á sjálfbærari vörum.

Byggjum sterkari framtíð fyrir komandi kynslóðir

„Við hjá Steypustöðinni viljum að það sé auðvelt að velja umhverfisvænni kost og það er því okkar hlutverk að bera á borð lausnir sem er auðvelt að nota og velja. Þetta snýst líka um að taka samtalið í kringum steypuverkefni og nýta sérþekkingu Steypustöðvarinnar í þessum efnum svo að virðiskeðjan frá byggingaðilum til arkitekta, verkfræðinga og verktaka verði eins sjálfbær og kostur er,“ segir Björn Ingi.

„Að draga úr kolefnisspori með beinum aðgerðum og mótvægisaðgerðum er mikilvægt framfaraskref fyrir þennan iðnað. Það skiptir máli að gera allt sem hægt er að gera strax í dag; flokka sorp, endurvinna, draga úr sóun, draga úr losun á farartækjum, velja sjálfbærari kosti, styðja við samfélagið og vera skilvirk. En betur má ef duga skal og við munum halda áfram að þróa lausnir, sem ekki eru til í dag, til að gera steypuiðnaðinn sjálfbæran fyrir komandi kynslóðir,“ segir Björn.

Nánari upplýsingar má finna á heimasíðu Steypustöðvarinnar þar sem samfélagsskýrslan er nú aðgengileg.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.