Veiði

Minnivallalækur tekur við sér

Karl Lúðvíksson skrifar
60 sm urriði af Stöðvarbreiðu í Minnivallalæk
60 sm urriði af Stöðvarbreiðu í Minnivallalæk

Minnivallalækur er alveg einstakt veiðisvæði en þar má finna ansi stóra urriða sem geta oft verið sýnd veiði en ekki gefin.

Ómar Smári Óttarsson var þar við veiðar í gær ásamt félaga sínum og náðu þeir tveimur vænum urriðum á land. Einn 60 sm á Stöðvarbreiðu en sá tók Squirmy en hinn fiskurinn mældist 69 sm og veiddist í Viðarhólma á Pheasant Tail númer 14. 

Þegar líður á tímabilið fer urriðinn í Minnivallalæk að vera einstaklega var um sig og það þarf að læðast að veiðistöðum og vera svo sem næst ósýnilegur til að fá fiskinn til að taka. Það sem gerist líka þegar líður á er að það þarf að nota litlar flugur, og þá meira ég þær minnstu sem þú átt í boxinu. Flugur í stærðum 18-20# eru oft bestar en samhliða því að vera með litlar flugur þurfa taumarnir að vera grannir. 

Þetta er eitt af þessum veiðisvæðum þar sem þú finnur yfirleitt töluvert af fiski en þarft að beita öllum þínum brögðum til að fá hann til að taka. Þarna er ekkert mikið sem heitir byrjendaheppni en vanir veiðimenn og þeir sem geta lesið í vatnið. læðst að veiðistað og komið flugunni á réttan stað eins varlega og þeir geta, þessir veiðimenn koma alltaf aftur í Minnivallalæk.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.