Veiði

Loksins 100 sm lax hjá Stefáni

Karl Lúðvíksson skrifar
Stefán með 100 sm laxinn úr Kristnapolli, eiginkona Stefáns Harpa fagnar hér með honum
Stefán með 100 sm laxinn úr Kristnapolli, eiginkona Stefáns Harpa fagnar hér með honum

Þeir eru ekki margir veiðimennirnir hér á landi sem geta líklega fullyrt að hafa landað 1000-2000 löxum en Stefán Sigurðsson er klárlega í þeim hóp.

Þar sem Veiðivísir þekkir ágætlega til Stefáns sem veiðimanns og annars forsvarsmanns Iceland Outfitters var okkur nokkuð brugðið en á sama tíma fagnað vel og rækilega við að heyra af því að Stefán hefði í gær landað sínum fyrsta 100 sm laxi. Þessi glæsilegi lax kom á land við opnun Laxár í Dölum og veiddist í veiðistaðnum Kristnapolli sem er þekktur stórlaxastaður. 

Eins og sjá má á myndinni er þetta glæsilegur nýgengin lax og óskar Veiðivísir Stefáni innilega til lukku með þennan áfanga og rjúfa 100 sm múrinn. Stefán og Harpa hafa á stuttum tíma gert Iceland Outfitters að einum öflugasta söluaðila veiðileyfa á landinu en svæðin sem þau eru með telja meðal annars Urriðafoss og Ytri Rangá bara svo eitthvað sé nefnt. Vel gert Stefán, okkar bestu kveðjur og til lukku með þennan glæsilega lax! 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.