Ráðin verkefnastjóri lýðheilsumála hjá Krónunni

Atli Ísleifsson skrifar 5. apríl 2022 09:26

Fanney Bjarnadóttir hefur hafið störf sem verkefnastjóri lýðheilsumála hjá Krónunni.

Í tilkynningu frá fyrirtækinu segir að um sé að ræða nýja stöðu innan Krónunnar og er Fanneyju meðal annars ætlað að efla áherslu Krónunnar í lýðheilsumálum, jafnt meðal starfsfólks og viðskiptavina.

Fanney er með B.Sc.-gráðu í íþrótta- og lýðheilsufræðum frá Háskóla Íslands og MS-gráðu í verkefnastjórnun frá sama skóla.

Haft er eftir Ástu S. Fjeldsted, framkvæmdastjóra Krónunnar, að það sé mikill fengur í Fanneyju sem komi til Krónunnar með góða þekkingu á lýðheilsumálum sem muni nýtast til að innleiða lýðheilsustefnu Krónunnar.

„Markmið Krónunnar er að vera leiðandi vinnustaður í lýðheilsumálum og stuðla að betri heilsu og vellíðan starfsfólks, en ekki síður að hafa smitandi áhrif út í samfélagið og til okkar viðskiptavina með heilsusamlegri hvatningu. Við hlökkum til að þróa þessar áherslur okkar frekar með Fanneyju í fararbroddi,“ segir Ásta.

Vistaskipti Verslun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.