Klinkið

Fyrr­verandi að­stoðar­seðla­banka­stjóri ráðinn til for­sætis­ráðu­neytisins

Ritstjórn Innherja skrifar
Arnór Sighvatsson
Arnór Sighvatsson

Arnór Sighvatsson, fyrrverandi aðstoðarseðlabankastjóri, hefur verið ráðinn sem hagfræðingur á skrifstofu stefnumála hjá forsætisráðuneytinu samkvæmt starfsmannalista ráðuneytisins.

Arnór hafði starfað samfleytt í 28 ár hjá Seðlabanka Íslands þegar hann lét af störfum sem aðstoðarseðlabankastjóri haustið 2018. Hann hélt þó áfram að vinna að vinna að ýmsum verkefnum, svo sem skýrsluskrifum, innan bankans.

Ætla má að Arnór hafi komið að því að skrifa ávarpið sem Katrín Jakobsdóttir forsætisráðherra flutti á ársfundi Seðlabankans í gær. Í ávarpinu var kafað dýpra í alþjóðleg efnahagsmál en almennt má vænta af ráðherrum en Katrín kom meðal annars inn á eignakaupaáætlun evrópska seðlabankans.

Og þegar Katrín vék að kjaramálum virtist vera samhljómur með áherslum hennar og áherslum Seðlabankans. Katrín sagði að lífskjör réðust ekki aðeins af þeirri fjárhæð sem gefin er upp á launaseðli heldur ótalmörgum þáttum, til að mynda uppbyggingu skattkerfis, stuðnings- og afkomutryggingakerfa, húsnæðismarkaðar og almannaþjónustu og hvernig þessir þættir spila saman.


Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.