Innlent

Eldur kom upp í sendi­ferða­bíl í Hvera­gerði

Atli Ísleifsson skrifar
Hætta var á að eldurinn myndi valda skemmdum á byggingu verslunarinnar, enda einungis um fjórir metrar á milli.
Hætta var á að eldurinn myndi valda skemmdum á byggingu verslunarinnar, enda einungis um fjórir metrar á milli. Donatas Arlauskas

Mikill eldur kom upp í sendiferðabíl á bílaplaninu fyrir utan verslun Bónus í Sunnumörk í morgun.

Pétur Pétursson, slökkviliðsstjóri hjá Brunavörnum Árnessýslu, segir í samtali við Vísi að vel hafi gengið að slökkva eldinn og að útkallið hafi komið um klukkan 10:53.

BÁ

„Bíll var þarna að koma keyrandi að inn á bílaplanið þegar kviknar í honum, líklega út frá rafkerfi bílsins. Þeir voru tveir í bílnum og ná að forða sér og hlaupa inn á lagerrými þar sem þeir náðu í brunaslöngu og reyna að verja bygginguna. Bíllinn var þarna einungis um fjóra metra frá þannig að það var hætta á að eldurinn myndi valda skemmdum á byggingunni. Þeir brugðust hárrétt við.“

Pétur segir að slökkviliðsbíll hafi svo komið á staðinn og slökkt í bílnum. Vel hafi gengið að ráða niðurlögum eldsins.

BÁ
Hveragerði Slökkvilið
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið