Viðskipti innlent

Verð­bólga ekki mælst meiri síðan 2010

Eiður Þór Árnason skrifar
Matarkarfa landsmanna hefur hækkað nokkuð síðastliðna mánuði.
Matarkarfa landsmanna hefur hækkað nokkuð síðastliðna mánuði. Vísir/Vilhelm

Ársverðbólga mælist nú 6,7% en hún var 6,2% í febrúar. Hún hefur ekki mælst meiri síðan í maí 2010. 

Þetta kemur fram í nýjum verðlagstölum Hagstofu Íslands. Þar segir að vísitala neysluverðs sé nú 528,8 stig í mars og hækki um 0,94% frá fyrri mánuði. Vísitala neysluverðs án húsnæðis er 443,9 stig og hækkar um 0,82% frá febrúar.

Verð á fötum og skóm hækkaði um 5,3% (áhrif á vísitöluna 0,19%), kostnaður vegna búsetu í eigin húsnæði hækkaði um 2,0% (áhrif á vísitöluna 0,35%) og verð á bensíni og olíum hækkaði um 8,2% (áhrif á vístöluna 0,27%).

Síðastliðna tólf mánuði hefur vísitala neysluverðs hækkað um 6,7% og vísitala neysluverðs án húsnæðis um 4,6%.

Bæði Hagfræðideild Landsbankans og Greining Íslandsbanka spáðu því að verðbólga myndi hækka í 6,8%. Sömuleiðis spá deildirnar áframhaldandi verðbólguhækkunum. Í bráðabirgðaspá sinni gerir Greining Íslandsbanka ráð fyrir 0,7% hækkun vísitölu neysluverðs í apríl, 0,6% hækkun í maí og 0,5% í júní. Gangi sú spá eftir mun verðbólga mælast 7,3% í júní. 

Grunnspá hagfræðideildar Landsbankans gerir ráð fyrir að verðbólga verði 6,3% í júní. Deildin hefur sömuleiðis birt svartsýna spá þar sem reiknað er með að krónan veikist á næstu mánuðum, olíuverð haldi áfram að hækka og verðhækkanir á fasteignamarkaði verði á sömu braut og síðastliðið ár. Gangi það eftir spáir Landsbankinn 7,3% verðbólgu í júní líkt og Íslandsbanki.


Tengdar fréttir

Verðbólga eykst í 6,2 prósent

Ársverðbólga mælist nú 6,2% en hún var 5,7% í janúar. Tólf mánaða verðbólga mældist síðast hærri í mars 2012 þegar hún var 6,40%. Vísitala neysluverðs, miðuð við verðlag í febrúar 2022, hækkar um 1,16% frá janúar og vísitalan án húsnæðis um 1,26%. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.