Formúla 1

F1 verður ekki aflýst þrátt fyrir sprengjuárás

Atli Arason skrifar
Olíu tankar í ljósum logum
Olíu tankar í ljósum logum Skjáskot - Youtube

Kappaksturinn í Sádí-Arabíu mun fara fram þrátt fyrir að sprengju var varpað á olíu tanka sem staðsettir eru örfáum kílómetrum frá akstursbrautinni sjálfri.

Árásin átti sér stað í gærkvöldi á meðan æfingum ökumanna stóð.

Stefano Domenicali, forstjóri Formúlu 1, sagði að keppnin muni fara fram og að öryggi allra ökumanna væri tryggt. Um tíma var óljóst hvort að keppninni yrði aflýst en eftir mikil fundarhöld síðasta sólarhringinn hefur verið ákveðið að halda keppninni til streitu.

„F1 treystir stjórnvöldum hér en þau hafa heitið því að öryggi allra sé tryggt. Kappaksturinn mun fara fram eins og áætlað, öll liðin og allir ökumenn hafa ákveðið það í sameiningu,“ sagði Domenicali við fjölmiðla í morgun.

Kappaksturinn hefst á morgun klukkan 16:30.

Árásinni var beint að Aramco, sem er olíufélag í eigu Sáda en talið er að Húti fylkingin beri ábyrgð á sprengingunni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.