Innlent

Gengið til tveggja kosninga um sameiningu sveitarfélaga í dag

Hallgerður Kolbrún E. Jónsdóttir skrifar
Gengið verður til kosninga um sameiningu Stykkishólmsbæjar og Helgafellssveitar í dag.
Gengið verður til kosninga um sameiningu Stykkishólmsbæjar og Helgafellssveitar í dag. Vísir/Jóhann K.

Íbúar í Stykkishólmi og Helgafellssveit og í Svalbarðshreppi og Langanesbyggð munu ganga til kosninga í dag og ákveða hvort sameina eigi sveitarfélögin. 

Kosningar um sameiningu Helgafellssveitar og Stykkishólmsbæjar fara fram í Grunnskólanum í Stykkishólmi frá 10 til 18 og í Félagsheimilinu Skildi í Helgafellssveit á sama tíma. Kjörstjórn verður stödd á kjörstað og mun talning atkvæða hefjast um leið og þeim hefur verið lokað. 

Þá verður haldin kosning um hvort sveitarfélögin Svalbarðshreppur og Langanesbyggð eigi að sameinast í dag. Hægt verður að greiða atkvæði um málkið í Félagsheimilinu Þórsveri á Þórshöfn frá 10 til 18, í skólanum á Bakkafirði á sama tíma og í Svalbarðsskóla sömuleiðis. talning hefst þá þegar kjörfundi lýkur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×