Viðskipti erlent

Streymis­veiturnar HBO Max og Discovery+ sam­einast

Atli Ísleifsson skrifar
Áskrifendur að HBO Max voru í lok síðasta árs 73,8 milljónir á heimsvísu.
Áskrifendur að HBO Max voru í lok síðasta árs 73,8 milljónir á heimsvísu. Getty

Til stendur að sameina streymisveiturnar HBO Max og Discovery+ í eina.

Wall Street Journal segir frá þessu og hefur eftir fjármálastjóra Discovery, en sameiningu veitanna má rekja til sameiningar sjónvarpsrisanna Discovery Inc. og Warner Media, sem er í eigu AT&T.

Gunnar Wiedenfels, fjármálastjóri Discovery, sagði í gær að aðgangur að streymisveitunum tveimur yrði seldur saman strax í næsta mánuði og þegar fram í sækir yrði svo stefnt að því að hafa sameina veiturnar í eina.

Áskrifendur að HBO Max voru í lok síðasta árs 73,8 milljónir á heimsvísu. Þá voru viðskiptavinir Discovery+ 22 milljónir.

Greint var frá samninginu WarnerMedia og Discovery í maí á síðasta ári.

Bandaríkin Fjölmiðlar


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið