Innlent

Ráðherra skipar starfshóp um réttarstöðu heilbrigðisstarfsfólks

Hólmfríður Gísladóttir skrifar
Willum Þór Þórsson heilbrigðisráðherra hyggst taka til skoðunar réttarstöðu heilbrigðisstarfsfólks.
Willum Þór Þórsson heilbrigðisráðherra hyggst taka til skoðunar réttarstöðu heilbrigðisstarfsfólks. Vísir/Vilhelm

„Ég tel nauðsynlegt að taka þessi mál upp að nýju og nýta þá vinnu sem fyrir liggur í þessum efnum,“ segir Willum Þór Þórsson heilbrigðisráðherra, sem hefur ákveðið að taka til skoðunar réttarstöðu heilbrigðisstarfsfólks í tengslum við tilkynningar og rannsókn alvarlegra atvika í heilbrigðisþjónustu.

Frá þessu er greint á vef Stjórnarráðsins.

Þar segir að markmiðið sé að bæta umgjörð og verklag við tilkynningar og rannsókn óvæntra atvika sem varða líf sjúklinga með áherslu á að að auka öryggi sjúklinga almennt, styrkja öryggismenningu og skapa heilbrigðisstarfsfólki betri starfsskilyrði.

„Ýtarleg greining á lagaumhverfi og verklagi í tengslum við óvænt atvik í heilbrigðisþjónustu, bæði hér á landi og í nágrannaríkjum, fór fram á vegum starfshóps heilbrigðisráðherra fyrir nokkrum árum og skilaði hópurinn vandaðri skýrslu ásamt tillögum til úrbóta árið 2015,“ segir í tilkynningunni.

Þar segir einnig að ráðherra hafi ákveðið að skipa nýjan starfshóp með fulltrúum heilbrigðis- og dómsmálaráðuneytisins, embættis landlæknis, lögreglu og ákæruvalds. Hópnum er síðan ætlað að hafa víðtækt samráð við hagsmunaðila, til dæmis félög heilbrigðisstarfsfólks auk félaga, samtaka og annarra aðila sem talað geta máli notenda heilbrigðisþjónustunnar.

Heilbrigðismál Landspítalinn Lögreglan Dómstólar Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið