Viðskipti innlent

Slökkva á stærsta ljós­­boga­ofni Elkem á Grundar­tanga vegna skerðingar

Gunnar Reynir Valþórsson skrifar
Verksmiðja Elkem á Grundartanga.
Verksmiðja Elkem á Grundartanga. Elkem

Slökkt hefur verið á einum ljósbogaofni í kísilmálmverksmiðjunni á Grundartanga, þeim stærsta af þremur slíkum ofnum í verksmiðjunni.

Ástæðan fyrir þessu, að því er fram kemur í Morgunblaðinu í dag, er skerðing Landsvirkjunar á afhendingu raforku til fyrirtækisins. Er það gert með svokölluðum endurkaupum á forgangsorku en Landsvirkjun greindi í síðustu viku frá versnandi vatnsbúskapar á hálendinu.

Því hafi verið ákveðið að virkja ákvæði í samningi við stórnotanda og fela í sér endurkaup á orku sem þegar hefur verið seld. 

Í Morgunblaðinu er greint frá því að síðast hafi Elkem orðið fyrir slíkum skerðingum árið 2014 en kísilmálmverksmiðjan mun vera eini stórnotandinn í viðskiptum við Landsvirkjun sem er með slíkt ákvæði í sínum samningum. 

Forstjóri Elkem á Íslandi, Álfheiður Ágústsdóttir segir í samtali við blaðið að skerðingin muni líklega hafa áhrif á starfsemi verksmiðjunnar fram eftir aprílmánuði, en að það fari vitaskuld eftir vatnsstöðunni hjá Landsvirkjun.


Tengdar fréttir





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×