Albumm

Allar reglur um upptökur og aðferðir fóru út fyrir dyrnar

Steinar Fjeldsted skrifar

Dreamality er fyrsta plata listamannsins The Lost Orchestra. Platan er lögð upp sem ferðalag sem hefst á því að manneskja lognast út af yfir laginu Litla flugan og dreymir atburðarás sem hlustandinn upplifir í hljóðformi.

Platan fer með okkur í gegnum hugarheim hans sem byrjar sem nokkuð venjulegur draumur en endar sem martröð. Textarnir á plötunni lýsa ferðalaginu frá sjónarhorni og örlögum dreymandans.

Platan inniheldur mikla tilraunar vinnu á hljóði þar sem gamlir diktafónar voru re-ampaðir, upptökur af kór í skálholti bjagaðar og teygðar, útvarpstíðnir notaðar sem hlið inn og út úr draum og raunveruleika ásamt krökkum sem sungu framm framm fylking sem var svo bjagað til. Þetta ásamt fullt af öðrum tilraunum þar sem listamaðurinn setti allar reglur um upptökur og aðferðir út fyrir dyrnar og fór sínar leiðir að öllu ferlinu. Það skilar okkur þessari afurð af hljóðverki.

Platan er gefin út hjá lista útgáfunni Sjóntruflanir.

Fylgstu með The Lost Orchestra á Instagram og Facebook

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.








×