Handbolti

Seinni bylgjan talar um krísu hjá Stjörnunni

Óskar Ófeigur Jónsson skrifar
Stjörnumenn stilla upp í varnarvegg á móti Fram. Þeir þurfa nauðsynlega að fara að enda taphrinu sína eftir áramót.
Stjörnumenn stilla upp í varnarvegg á móti Fram. Þeir þurfa nauðsynlega að fara að enda taphrinu sína eftir áramót. Vísir/Hulda Margrét

Stjörnumenn eru í basli í karlahandboltanum og tap á móti Selfossi á heimavelli í síðasta leik er enn eitt dæmið um slíkt. Seinni bylgjan ræddi stöðuna á Stjörnumönnum.

„Núna er Stjarnan búin tapa í fjórum leikjum í röð Ásgeir, þrír í deildinni og svo töpuðu þeir fyrir KA-mönnum í bikar. Er krísa í Garðabænum,“ spurði Stefán Árni Pálsson, umsjónarmaður Seinni bylgjunnar.

„Já ég held að við getum alveg talað um það að það sé krísa í Garðabænum. Þetta lítur ekki þannig út eins og þeir ætluðu sér. Það er ekki að hjálpa til að þeir eiga Val á miðvikudaginn. Þeir eiga erfiða leiki,“ sagði Ásgeir Örn Hallgrímsson, sérfræðingur í Seinni bylgjunni.

„Ég held að við getum hent í fyrirsögnina að það sé krísa í Garðabænum,“ sagði Ásgeir Örn.

„Patti án nú alltaf svo auðvelt með Snorra þannig að hann fær svona léttan leik,“ sagði Róbert Gunnarsson, sérfræðingur í Seinni bylgjunni.

Ásgeir brosti og tók undir það. „Hann er ekki búinn að tapa fyrir honum í tíu leikjum eða svo,“ sagði Ásgeir Örn.

Það má heyra spjalla þeirra um Stjörnuna hér fyrir neðan.

Klippa: Seinni bylgjan: Krísa hjá Stjörnunni
Seinni bylgjan Olís-deild karla Stjarnan

Mest lesið


Fleiri fréttir

Sjá meira


×

Mest lesið