Viðbragðsaðilar segja frétt um leitargögn ranga Hólmfríður Gísladóttir skrifar 8. febrúar 2022 12:01 Guðbrandur segir leitina heilt á litið hafa gengið mjög vel. Vísir/Vilhelm „Þetta er alfarið rangt,“ segir Guðbrandur Örn Arnarson, yfirmaður aðgerða hjá Landsbjörg, um frétt sem birtist í Fréttablaðinu í morgun, þar sem meðal annars sagði að gögn er vörðuðu leit að flugvélinni sem hvarf á fimmtudag hefðu ekki borist lögreglu fyrr en á föstudag. Í frétt Fréttablaðsins sagði að „stjórnendur leitarinnar“ hefðu ekki fengið umrædd gögn, það er að segja staðsetningargöng úr síma eins af farþegum vélarinnar, fyrr en löngu eftir að björgunarsveitarmenn hefðu verið komnir með þau í hendur. Þetta hefði tafið leitina. Í Fréttablaðinu segir að blaðamenn blaðsins hafi verið búnir að fá gögnin klukkan sjö á fimmtudagskvöld og þau komin í dreifingu, meðal annars meðal flugáhugamanna, á sama tíma. Þá hafi þau verið komin inn í „gagnagrunn björgunarsveita“ en haft eftir Oddi Árnasyni, yfirlögreglustjóra á Suðurlandi, að lögreglu hafi ekki borist þau fyrr en aðfaranótt föstudags. Unnið með gríðarmikið magn upplýsinga Guðbrandur segir umfjöllunina byggja á algjörum misskilningi á því hvernig haldið sé utan um gögn sem berast við leit og hvernig unnið sé úr þeim. Umræddur gagnagrunnur sé til að mynda sameiginlegur grunnur allra viðbragðsaðila; björgunarsveitanna, Landhelgisgæslunnar, almannavarna og lögreglu, og allir hafi því haft aðgang að gögnunum á sama tíma. „Við erum að vinna með gríðarlega mikið magn upplýsinga,“ segir Guðbrandur, „og allt eru þetta vísbendingar. Gögnin eru svo skoðuð og metið hvaða vísbendingar séu sterkastar,“ segir hann. Guðbrandur segist ekki geta tjáð sig ítarlega um málið en Vísir hefur rætt við nokkra einstaklinga sem komu að leitinni og þeir leggja allir áherslu á það sama; í fyrsta lagi að umræddur gagnagrunnur sé sameiginlegur og því hafi allir haft aðgang að öllum gögnum á sama tíma og í öðru lagi að stjórn leitarinnar hafi á þessum tíma verið á höndum Landhelgisgæslunnar með stuðningi samhæfingarstöðvar almannavarna, ekki lögreglu. Lögreglan hafi ekki tekið við málinu fyrr en vélin fannst. Umrædd gögn voru fengin úr síma eins farþega flugvélarinnar. Einn viðmælandi Vísis lagði áherslu á að þau bentu ekki til annars en staðsetningar símans á ákveðnum tímapunkti. Þannig gæfu þau ekki endilega vísbendingu um það hvar flugvélin endaði. Þá hefðu önnur gögn verið til skoðunar á sama tíma; farsímagögn, myndir og myndskeið, og fluggögn frá Isavia. Allt hefði þetta verið skoðað í samhengi, enda reynslan sýnt að farsímagögn af þessu tagi væru oft óáreiðanleg. Lögregla segir frétt Fréttablaðsins ranga Aðspurður segist Guðbrandur geta fullyrt að það væri rangt að einhverjar tafir á deilingu gagna eða samskiptaleysi hefði orðið til þess að tefja leitina. Leitin hefði gengið mjög vel heilt á litið og ekki verið afvegaleidd vegna rangra upplýsinga. „Gögnin bentu öll á svipaðar slóðir og þetta var mjög flott vinna,“ segir hann um leitar- og björgunaraðgerðirnar. Lögreglan hefur sent frá sér tilkynningu um fréttaflutning Fréttablaðsins þar sem hann er sagður rangur. „Í sameiginlegum aðgerðagrunni björgunarsveita og almannavarna þ.m.t. LHG, lögreglu, sjúkraflutninga, Isavia ofl. er fyrsta vísbending úr farsíma skráð þann 3. Febrúar kl. 17.51. Kl. 15.40 þennan sama dag lá fyrir í sama grunni eftir gögnum Isavia að flugleiðin hafi verið um Grímsnesið. Leit með sérstakri vél frá danska hernum var fyrst beint að Grímsnesi og suðurhluta Þingvallavatns. Kl. 17.40 er þyrla LHG með menn úr séraðgerðasveit í sérstakri leit yfir og í Ölfusvatnsvík. Formleg staðfesting á símagögnum, sem þegar höfðu verið notuð við skipulagningu leitarðagerða, fékkst ekki fyrr en síðar frá þar til bærum yfirvöldum erlendis.“ Tilkynning frá lögreglu Þar sem að eiginleg leit að flugvélinni TF ABB, flugmanni hennar og farþegum hefur nú breyst úr því að vera umfangsmikil leitaraðgerð í það að verða sérstakt verkefni á afmörkuðum stöðum á Þingvallavatni hefur Lögreglan á Suðurlandi tekið ákvörðun um að framvegis verði eftirfarandi háttur hafður á upplýsingagjöf til fjölmiðla: Eins og áður verða ekki gefnar upplýsingar um einstaka rannsóknarþætti eða niðurstöður þeirra. Við vettvang á bökkum Þingvallavatns verður sett upp ytri lokun og inn fyrir hana fer almenningur ekki. Þar fyrir innan verður sett innri lokun og við hana svæði sem fjölmiðlamenn komast á. Ekki verður sett upp sérstök aðstaða fyrir fjölmiðlamenn og þurfa þeir að vera sjálfbærir með vistir og annað sem að dvöl þeirra við vatnið snýr. Fréttatilkynning um aðgerðir og gang þeirra verða gefnar út daglega á lögregluvefnum kl. 17:30 og oftar ef gangur aðgerða gefur tilefni til. Þær verða ekki gefnar með öðrum hætti. Uppsetning aðstöðu og búnaðar við Þingvallavatn hefst seinni partinn í dag ef veður og færð leyfa. Varðandi fréttir um að staðsetning úr farsíma hafi ekki borist stjórnendum aðgerða í tíma er þeim einfaldlega vísað frá sem röngum. Í sameiginlegum aðgerðagrunni björgunarsveita og almannavarna þ.m.t. LHG, lögreglu, sjúkraflutninga, Isavía ofl. er fyrsta vísbending úr farsíma skráð þann 3. febrúar kl. 17:51 Kl. 15:40 þennan sama dag lá fyrir í sama grunni eftir gögnum Isavia að flugleiðin hafi verið um Grímsnesið. Leit með sérstakri vél frá danska hernum var fyrst beint að Grímsnesi og suðurhluta Þingvallavatns. Kl. 17:40 er Þyrla LHG með menn úr séraðgerðasveit í sérstakri leit yfir og í Ölfusvatnsvík. Formleg staðfesting á símagögnum, sem þegar höfðu verið notuð við skipulagningu leitaraðgerða, fékkst ekki fyrr en síðar frá þar til bærum yfirvöldum erlendis. Flugslys við Þingvallavatn Samgönguslys Fjölmiðlar Björgunarsveitir Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira
Í frétt Fréttablaðsins sagði að „stjórnendur leitarinnar“ hefðu ekki fengið umrædd gögn, það er að segja staðsetningargöng úr síma eins af farþegum vélarinnar, fyrr en löngu eftir að björgunarsveitarmenn hefðu verið komnir með þau í hendur. Þetta hefði tafið leitina. Í Fréttablaðinu segir að blaðamenn blaðsins hafi verið búnir að fá gögnin klukkan sjö á fimmtudagskvöld og þau komin í dreifingu, meðal annars meðal flugáhugamanna, á sama tíma. Þá hafi þau verið komin inn í „gagnagrunn björgunarsveita“ en haft eftir Oddi Árnasyni, yfirlögreglustjóra á Suðurlandi, að lögreglu hafi ekki borist þau fyrr en aðfaranótt föstudags. Unnið með gríðarmikið magn upplýsinga Guðbrandur segir umfjöllunina byggja á algjörum misskilningi á því hvernig haldið sé utan um gögn sem berast við leit og hvernig unnið sé úr þeim. Umræddur gagnagrunnur sé til að mynda sameiginlegur grunnur allra viðbragðsaðila; björgunarsveitanna, Landhelgisgæslunnar, almannavarna og lögreglu, og allir hafi því haft aðgang að gögnunum á sama tíma. „Við erum að vinna með gríðarlega mikið magn upplýsinga,“ segir Guðbrandur, „og allt eru þetta vísbendingar. Gögnin eru svo skoðuð og metið hvaða vísbendingar séu sterkastar,“ segir hann. Guðbrandur segist ekki geta tjáð sig ítarlega um málið en Vísir hefur rætt við nokkra einstaklinga sem komu að leitinni og þeir leggja allir áherslu á það sama; í fyrsta lagi að umræddur gagnagrunnur sé sameiginlegur og því hafi allir haft aðgang að öllum gögnum á sama tíma og í öðru lagi að stjórn leitarinnar hafi á þessum tíma verið á höndum Landhelgisgæslunnar með stuðningi samhæfingarstöðvar almannavarna, ekki lögreglu. Lögreglan hafi ekki tekið við málinu fyrr en vélin fannst. Umrædd gögn voru fengin úr síma eins farþega flugvélarinnar. Einn viðmælandi Vísis lagði áherslu á að þau bentu ekki til annars en staðsetningar símans á ákveðnum tímapunkti. Þannig gæfu þau ekki endilega vísbendingu um það hvar flugvélin endaði. Þá hefðu önnur gögn verið til skoðunar á sama tíma; farsímagögn, myndir og myndskeið, og fluggögn frá Isavia. Allt hefði þetta verið skoðað í samhengi, enda reynslan sýnt að farsímagögn af þessu tagi væru oft óáreiðanleg. Lögregla segir frétt Fréttablaðsins ranga Aðspurður segist Guðbrandur geta fullyrt að það væri rangt að einhverjar tafir á deilingu gagna eða samskiptaleysi hefði orðið til þess að tefja leitina. Leitin hefði gengið mjög vel heilt á litið og ekki verið afvegaleidd vegna rangra upplýsinga. „Gögnin bentu öll á svipaðar slóðir og þetta var mjög flott vinna,“ segir hann um leitar- og björgunaraðgerðirnar. Lögreglan hefur sent frá sér tilkynningu um fréttaflutning Fréttablaðsins þar sem hann er sagður rangur. „Í sameiginlegum aðgerðagrunni björgunarsveita og almannavarna þ.m.t. LHG, lögreglu, sjúkraflutninga, Isavia ofl. er fyrsta vísbending úr farsíma skráð þann 3. Febrúar kl. 17.51. Kl. 15.40 þennan sama dag lá fyrir í sama grunni eftir gögnum Isavia að flugleiðin hafi verið um Grímsnesið. Leit með sérstakri vél frá danska hernum var fyrst beint að Grímsnesi og suðurhluta Þingvallavatns. Kl. 17.40 er þyrla LHG með menn úr séraðgerðasveit í sérstakri leit yfir og í Ölfusvatnsvík. Formleg staðfesting á símagögnum, sem þegar höfðu verið notuð við skipulagningu leitarðagerða, fékkst ekki fyrr en síðar frá þar til bærum yfirvöldum erlendis.“ Tilkynning frá lögreglu Þar sem að eiginleg leit að flugvélinni TF ABB, flugmanni hennar og farþegum hefur nú breyst úr því að vera umfangsmikil leitaraðgerð í það að verða sérstakt verkefni á afmörkuðum stöðum á Þingvallavatni hefur Lögreglan á Suðurlandi tekið ákvörðun um að framvegis verði eftirfarandi háttur hafður á upplýsingagjöf til fjölmiðla: Eins og áður verða ekki gefnar upplýsingar um einstaka rannsóknarþætti eða niðurstöður þeirra. Við vettvang á bökkum Þingvallavatns verður sett upp ytri lokun og inn fyrir hana fer almenningur ekki. Þar fyrir innan verður sett innri lokun og við hana svæði sem fjölmiðlamenn komast á. Ekki verður sett upp sérstök aðstaða fyrir fjölmiðlamenn og þurfa þeir að vera sjálfbærir með vistir og annað sem að dvöl þeirra við vatnið snýr. Fréttatilkynning um aðgerðir og gang þeirra verða gefnar út daglega á lögregluvefnum kl. 17:30 og oftar ef gangur aðgerða gefur tilefni til. Þær verða ekki gefnar með öðrum hætti. Uppsetning aðstöðu og búnaðar við Þingvallavatn hefst seinni partinn í dag ef veður og færð leyfa. Varðandi fréttir um að staðsetning úr farsíma hafi ekki borist stjórnendum aðgerða í tíma er þeim einfaldlega vísað frá sem röngum. Í sameiginlegum aðgerðagrunni björgunarsveita og almannavarna þ.m.t. LHG, lögreglu, sjúkraflutninga, Isavía ofl. er fyrsta vísbending úr farsíma skráð þann 3. febrúar kl. 17:51 Kl. 15:40 þennan sama dag lá fyrir í sama grunni eftir gögnum Isavia að flugleiðin hafi verið um Grímsnesið. Leit með sérstakri vél frá danska hernum var fyrst beint að Grímsnesi og suðurhluta Þingvallavatns. Kl. 17:40 er Þyrla LHG með menn úr séraðgerðasveit í sérstakri leit yfir og í Ölfusvatnsvík. Formleg staðfesting á símagögnum, sem þegar höfðu verið notuð við skipulagningu leitaraðgerða, fékkst ekki fyrr en síðar frá þar til bærum yfirvöldum erlendis.
Tilkynning frá lögreglu Þar sem að eiginleg leit að flugvélinni TF ABB, flugmanni hennar og farþegum hefur nú breyst úr því að vera umfangsmikil leitaraðgerð í það að verða sérstakt verkefni á afmörkuðum stöðum á Þingvallavatni hefur Lögreglan á Suðurlandi tekið ákvörðun um að framvegis verði eftirfarandi háttur hafður á upplýsingagjöf til fjölmiðla: Eins og áður verða ekki gefnar upplýsingar um einstaka rannsóknarþætti eða niðurstöður þeirra. Við vettvang á bökkum Þingvallavatns verður sett upp ytri lokun og inn fyrir hana fer almenningur ekki. Þar fyrir innan verður sett innri lokun og við hana svæði sem fjölmiðlamenn komast á. Ekki verður sett upp sérstök aðstaða fyrir fjölmiðlamenn og þurfa þeir að vera sjálfbærir með vistir og annað sem að dvöl þeirra við vatnið snýr. Fréttatilkynning um aðgerðir og gang þeirra verða gefnar út daglega á lögregluvefnum kl. 17:30 og oftar ef gangur aðgerða gefur tilefni til. Þær verða ekki gefnar með öðrum hætti. Uppsetning aðstöðu og búnaðar við Þingvallavatn hefst seinni partinn í dag ef veður og færð leyfa. Varðandi fréttir um að staðsetning úr farsíma hafi ekki borist stjórnendum aðgerða í tíma er þeim einfaldlega vísað frá sem röngum. Í sameiginlegum aðgerðagrunni björgunarsveita og almannavarna þ.m.t. LHG, lögreglu, sjúkraflutninga, Isavía ofl. er fyrsta vísbending úr farsíma skráð þann 3. febrúar kl. 17:51 Kl. 15:40 þennan sama dag lá fyrir í sama grunni eftir gögnum Isavia að flugleiðin hafi verið um Grímsnesið. Leit með sérstakri vél frá danska hernum var fyrst beint að Grímsnesi og suðurhluta Þingvallavatns. Kl. 17:40 er Þyrla LHG með menn úr séraðgerðasveit í sérstakri leit yfir og í Ölfusvatnsvík. Formleg staðfesting á símagögnum, sem þegar höfðu verið notuð við skipulagningu leitaraðgerða, fékkst ekki fyrr en síðar frá þar til bærum yfirvöldum erlendis.
Flugslys við Þingvallavatn Samgönguslys Fjölmiðlar Björgunarsveitir Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira