Viðskipti innlent

Huld óskaði eftir að láta af störfum

Eiður Þór Árnason skrifar
Huld Magnúsdóttir, fráfarandi framkvæmdastjóri Nýsköpunarsjóðs atvinnulífsins.
Huld Magnúsdóttir, fráfarandi framkvæmdastjóri Nýsköpunarsjóðs atvinnulífsins. Vísir/Vilhelm

Huld Magnúsdóttir, framkvæmdastjóri Nýsköpunarsjóðs atvinnulífsins, hefur óskað eftir því að láta af störfum hjá sjóðnum. Starfið verður auglýst á næstu dögum en hún mun gegna starfinu fram að ráðningu nýs framkvæmdastjóra í vor.

Þetta kemur fram í tilkynningu á vef sjóðsins en Huld hefur starfað þar í fimm ár. Hún segist hafa ákveðið að fara á önnur mið eftir áhugaverðan og gefandi tíma.

„Ég er mjög þakklát fyrir tímann hjá sjóðnum og fyrir samstarfið við starfsmenn, stjórn, ráðuneyti og öflugu félögin í sterku eignasafni sjóðsins. Ég óska þeim öllum góðs gengis í framtíðinni og tel að framtíðin sé björt í íslensku nýsköpunarumhverfi,” segir Huld í tilkynningu.

Sigurður Hannesson, stjórnarformaður Nýsköpunarsjóðs, segir samstarfsfólk þakka henni fyrir gott samstarf.

„Það hefur verið sjóðnum mikill fengur að hafa notið starfskrafta hennar og hún mun aðstoða okkur næstu mánuði við yfirfærslu til nýs stjórnanda. Við kunnum henni bestu þakkir fyrir samstarfið og óskum henni góðs gengis í nýjum verkefnum.“

Nýsköpun Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið