Viðskipti innlent

Sjö sinnum fleiri gistinætur í desember

Eiður Þór Árnason skrifar
Fleiri ferðamenn komu til landsins árið 2021 en árið áður.
Fleiri ferðamenn komu til landsins árið 2021 en árið áður. Vísir/Vilhelm

Gistinóttum á öllum tegundum skráðra gististaða fjölgaði um 55% í fyrra og voru 5,1 milljón samanborið við 3.3 milljónir árið 2020. Íslenskar gistinætur voru um 40% gistinátta eða um 2,0 milljónir en voru 1,5 milljónir á fyrra ári. Um 60% gistinátta voru erlendar eða um 3,1 milljón samanborið við 1,8 milljónir árið áður.

Þetta kemur fram í nýjum tölum Hagstofu Íslands. Í samanburði við árið 2019 hefur skráðum gistinóttum fækkað um 39%. Þar af nemur fækkunin um 46% á hótelum, 36% á gistiheimilum og 30% á öðrum tegundum gististaða.

Gistinætur á hótelum og gistiheimilum árið 2021 voru um 3,3 milljónir, þar af 2,5 milljónir á hótelum, og um 1,8 milljónir á öðrum tegundum skráðra gististaða á borð við íbúðagistingu og orlofshús.

Margfalt fleiri gistinætur í desember

Í desember síðastliðnum voru gistinætur á skráðum gististöðum 307.500 samanborið við 44.000 árið áður. Íslenskar gistinætur voru um 26% gistinátta eða um 78.900 og þær erlendu um 228.700. Íslensku gistinæturnar jukust um 67,8% á milli ára en þær erlendu um 32,2%.

Í samanburði við desember 2019 fækkaði gistinóttum í desember um 30,9%. Þar af nemur fækkunin um 34% á hótelum, 38% á gistiheimilum og 16% á öðrum tegundum gististaða.

Framboð hótelherbergja í desember jókst um 76% frá desember 2020. Herbergjanýting á hótelum var 33% og jókst um 26,2 prósentustig frá fyrra ári.

Ferðamennska á Íslandi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið