Fótbolti

Stjarnan lagði meistarana í úrslitum | Leiknir tók þriðja sætið í átta marka leik

Hjörtur Leó Guðjónsson skrifar
Stjarnan fagnaði sigri á Fótbolti.net mótinu eftir 3-1 sigur gegn Breiðablik í úrslitum í kvöld.
Stjarnan fagnaði sigri á Fótbolti.net mótinu eftir 3-1 sigur gegn Breiðablik í úrslitum í kvöld. Vísir/Vilhelm

Stjarnan bar sigur úr býtum er liðið mætti Breiðablik í úrslitum Fótbolta.net mótsins í knattspyrnu í kvöld. Lokatölur urðu 3-1, en Blikar unnu mótið í fyrra. Þá vann leiknir ÍA 5-3 í leiknum um þriðja sætið fyrr í kvöld.

Damir Muminovic kom Blikum yfir á 36. mínútu með stórglæsilegu marki. Hann lét þá vaða fyrir utan teig og boltinn skaust af þverslánni og inn.

Stjörnumenn létu það þó ekki á sig fá og jöfnuðu leikinn fjórum mínútum síðar með marki frá Adolf Daða Birgissyni.

Staðan var því 1-1 þegar flautað var til hálfleiks, en Einar Karl Ingvarsson kom Stjörnumönnum yfr á 56. mínútu áður en Ólafur Karl Finsen tryggði liðinu 3-1 sigur með marki stuttu fyrir leikslok.

Fyrr í kvöld mættust ÍA og Leiknir í bronsleiknum og þar voru það Leiknismenn sem höfðu betur í hörkuleik sem bauð upp á átta mörk.

Alex Davey kom Skagamönnum yfir áður en Daninn Mikkel Dahl jafnaði metin fyrir Leikni. Skagamenn komust yfir á ný með sjálfsmarki Leiknismanna, en Birgir Baldvinsson sá til þess að staðan var jöfn í hálfleik, 2-2.

Mikkel Dahl kom Leikni í 3-2 snemma í síðari hálfleik áður en Daníel Matthíasson skoraði fjórða mark liðsins.

Skagamenn náðu að minnka muninn í 4-3, en Emil Berger tryggði Leiknismönnum 5-3 sigur af vítapunktinum þegar stutt var til leiksloka.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.