Viðskipti erlent

Seldi Sony allar upp­tökur sínar

Árni Sæberg skrifar
Bob Dylan er einn virtasti tónlistarmaður heims og var sæmdur bókmenntaverðlaunum Nóbels árið 2016.
Bob Dylan er einn virtasti tónlistarmaður heims og var sæmdur bókmenntaverðlaunum Nóbels árið 2016. EPA

Tónlistargoðsögnin Bob Dylan hefur selt útgáfufyrirtækinu Sony Music réttinn að öllum upptökum sínum.

Samningar milli Dylans og Sony náðust í júlí síðastliðnum en kaupverð hefur ekki verið gefið upp. Tónlistarmiðillinn Billboard metur verðmæti upptökuréttarins á 200 milljónir dollara eða um 26 milljarða króna, að því er segir í frétt breska ríkisútvarpsins.

Árið 2020 seldi Dylan höfundarrétt að öllum lögum og textum sínum til Universal Music, eins helsta keppinautar Sony. Talið er að kaupverðið hafi verið um fimmtíu milljarðar króna. Því er ljóst að Dylan á nóg salt í grautinn.

„Columbia Records og Rob Stringer hafa verið mér góð í mjög mörg ár og helling að plötum. Það gleður mig að allar mínar upptökur geti verið áfrm þar sem þær eiga heima,“ sagði Dylan í tilkynningu um söluna en Columbia Records er dótturfyrirtæki Sony Music.

„Columbia Records og Bob Dylan hafa átt einstakt samband frá upphafi ferils hans og við erum stollt og spennt að halda áfram að bæta og þróa sextíu ára langa samvinnu okkar,“ sagði Rob Stringer, stjórnarformaður Sony.

Þá nýttu samningsaðilar tækifærið og sömdu einnig um framlengingu útgáfusamnings Dylans. Hann hefur lofað „mörgum nýjum útgáfum.“ Því hljóta allir góðir menn að fagna.


Tengdar fréttir

Bruce Spring­steen selur réttinn fyrir 65 milljarða

Bandaríski tónlistarmaðurinn Bruce Springsteen hefur selt upptökur og útgáfurréttinn að öllu lagasafni sínu til Sony fyrir 500 milljónir Bandaríkjadala, um 65 milljarða króna.

Bob Dylan áttræður og því fagna allir góðir menn

Í klassískri tónlist er stundum talað um Bé-in þrjú: Bach, Beethoven og Brahms. En Bé-in þrjú eru líka til í rokkinu og dægurlagatónlistinni: Beatles, Bowie og Bob (Dylan) … og auðvitað Elvis.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.