Inga Sæland, ástir og örlög Sigríður Jónsdóttir skrifar 23. janúar 2022 13:00 Síðastliðið ár hefur alþingismaðurinn Inga Sæland, hamast gegn einni starfsgrein í íslenskum landbúnaði, sem kallast blóðmerahald. Statt og stöðugt heldur hún því fram að níðst sé á hryssunum í þessum búskap, þær séu svo villtar og hræddar við fólk. Þetta ætti ekki að hafa farið fram hjá neinum, nóg hafa lætin í fjölmiðlunum verið. Það sem Inga hefur talið sig vita um málefnið er meira og minna tóm vitleysa. Hún hefur reynst ófær um að kynna sér málið en málflutningur hennar alfarið rímað við ríkjandi ranghugmyndir veganista. Síðast þegar ég vissi var Inga Sæland ekki vegan. Hún var úti í búð að kaupa sér kótelettur. Hvað er það þá sem veldur því að manneskjan lætur svona? Þessu hef ég velt fyrir mér, því ég er ein þeirra fjölmörgu sem Inga Sæland vænir um saknæmt athæfi gagnvart skepnum. Elskar hún dýrin svona mikið? Hvers vegna hugsar hún þá bara um blóðmerar en ekki aðrar skepnur í umsjá manna hérlendis? Þetta var mér ráðgáta þar til lítill hrossagaukur í Hrútafirði hvíslaði því að mér að rót málsins sé samband Ingu sjálfrar við mann sem kallaður er Halldór í Holti. Halldór Gunnarsson var sóknarprestur í Holti undir Eyjafjöllum. Hann er Sjálfstæðismaður af gamla skólanum en sagði sig úr flokknum nokkru eftir hrunið þar sem Sjálfstæðisflokkurinn hefði gengið auðvaldinu á hönd. Fyrir Alþingiskosningar árið 2013 stofnuðu Halldór og fleira fólk Flokk heimilanna en náðu ekki þingsæti. Sá flokkur mætti örlögum sínum þegar tveir strákar komust yfir fjármuni flokksins, sem var ríkisframlagið, og eyddu þeim í sjálfa sig. En Halldór gamli gafst ekki upp við þessa tilraun til nýsköpunar í stjórnmálum. Fátækt fólk og öryrkjar voru reist úr öskustó og Flokkur fólksins var stofnaður vorið 2016. Inga Sæland varð formaður, Halldór Gunnarsson var varaformaður. Flokkurinn kom fjórum mönnum á þing haustið 2017 og Inga Sæland var drottningin. Í upphafi mun Inga hafa haft litla reynslu af fjármálum og félagsmálum en hún gerðist engu að síður prókúruhafi flokksins, ásamt því að vera formaður. Sonur hennar var gerður að framkvæmdastjóra. Í febrúar 2019 skýrði Halldór frá því í grein í Morgunblaðinu að tilteknum flokksfélögum hefði ofboðið siðleysi Ingu Sæland þegar hún vildi hafna móttöku hækkaðra fjárframlaga til stjórnmálaflokka en samtímis þiggja þá fjármuni fyrir hönd Flokks fólksins. Þessum mönnum var vikið úr flokknum. Inga þurfti ekki að reka Halldór því hann fór sjálfur. Hreinsanirnar í Flokki fólksins hafa reynst áhrifaríkar. Á heimasíðu flokksins er saga hans nú skráð svona: „Inga Sæland, formaður og stofnandi flokksins, er í forystusæti listans. Inga stofnaði Flokk fólksins árið 2016 og hefur verið þingmaður hans frá árinu 2017.“ Inga Sæland stofnaði flokkinn ein og sjálf, enginn kom að því nema Inga Sæland og Inga Sæland er aðal. Hvað kemur þessi pólitíska ástarsaga og skilnaður Ingu Sæland og Halldórs í Holti meintu dýraníði merabænda við? Jú, Halldór í Holti var framkvæmdastjóri Félags hrossabænda í 20 ár. Hann var frumkvöðull í blóðmerahaldi hér á landi og hefur verið viðloðandi þá búgrein öll þau 40 ár sem hún hefur verið stunduð. Vinnandi fólk á 119 bæjum víðs vegar um landið verður fyrir barðinu á Ingu Sæland þegar hún öskrar DÝRANÍÐ. En hún er líklega ekki að öskra á okkur. Hún er að öskra á Halldór í Holti. Yfirlýst markmið Flokks fólksins eru að útrýma fátækt og berjast gegn spillingu. Nú leggur formaður flokksins fram frumvarp í annað sinn um að banna blóðmerahald, heila búgrein í landbúnaði. Þeir sem landbúnað stunda eru langflestir mjög lágt launaðir og bera lítið úr býtum. Ætlar Flokkur fólksins að útrýma fátækt með því að útrýma fátækum og byrjar á heimilum nokkurra bænda, sem enn hjara í hnignandi byggðum landsins? Mér finnst það ósennilegt. Mér finnst sennilegra að hér ráði bara venjuleg spilling og hefnigirni för. Ég veit ekki hver örlög Ingu Sæland verða. Hún á eftir að skapa sér þau sjálf. Höfundur er sjálfstæður rannsakandi óheilinda og illsku. Viltu birta grein á Vísi? Sendu okkur póst. Senda grein Blóðmerahald Landbúnaður Tengdar fréttir Opið bréf til Ingu Sæland Sæl frú Inga Sæland. Er í alvörunni ekki gerð nein krafa um að það, sem þið á Alþingi látið út úr ykkur í pontu, sé satt og rétt? Þegar þú lætur frá þér frumvarp, sem hefur áhrif á þó nokkuð marga, er þá ekki lágmarkskrafa að þið hafið kannað allar hliðar og hafið réttar upplýsingar? Ekki afbakaðar og tilhæfulausar lygar. 21. janúar 2022 13:47 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kosningar eru alltaf „taktík” Guðjón Heiðar Pálsson Skoðun Verður þér að góðu? Álfhildur Leifsdóttir,Hólmfríður Jennýjar Árnadóttir, ,Hólmfríður Sigþórsdóttir Skoðun Gildin sem sigldu forsetaembættinu í höfn Hugrún Sigurjónsdóttir Skoðun Gegnumlýsing - þankabrot frambjóðanda að loknu forsetakjöri Arnar Þór Jónsson Skoðun Að skreyta sig með stolnum fjöðrum Sema Erla Serdaroglu Skoðun Halla, ekki Kata Sævar Þór Jónsson Skoðun Hatur og fyrirlitning Einar Scheving Skoðun Halldór 01.06.2024 Halldór Svona getum komið í veg fyrir að Katrín vinni Björn B. Björnsson Skoðun Getur reiði valdið veikindum? Sigurbjörg Jónsdóttir Skoðun Skoðun Skoðun Verður þér að góðu? Álfhildur Leifsdóttir,Hólmfríður Jennýjar Árnadóttir, ,Hólmfríður Sigþórsdóttir skrifar Skoðun Kosningar eru alltaf „taktík” Guðjón Heiðar Pálsson skrifar Skoðun Gildin sem sigldu forsetaembættinu í höfn Hugrún Sigurjónsdóttir skrifar Skoðun Gegnumlýsing - þankabrot frambjóðanda að loknu forsetakjöri Arnar Þór Jónsson skrifar Skoðun Halla, ekki Kata Sævar Þór Jónsson skrifar Skoðun Getur reiði valdið veikindum? Sigurbjörg Jónsdóttir skrifar Skoðun Ráðherrar hafa áhyggjur af valdbeitingu Tómas Ingvason skrifar Skoðun Taktísk skilyrðing umræðunnar skrifar Skoðun Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir skrifar Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Sjá meira
Síðastliðið ár hefur alþingismaðurinn Inga Sæland, hamast gegn einni starfsgrein í íslenskum landbúnaði, sem kallast blóðmerahald. Statt og stöðugt heldur hún því fram að níðst sé á hryssunum í þessum búskap, þær séu svo villtar og hræddar við fólk. Þetta ætti ekki að hafa farið fram hjá neinum, nóg hafa lætin í fjölmiðlunum verið. Það sem Inga hefur talið sig vita um málefnið er meira og minna tóm vitleysa. Hún hefur reynst ófær um að kynna sér málið en málflutningur hennar alfarið rímað við ríkjandi ranghugmyndir veganista. Síðast þegar ég vissi var Inga Sæland ekki vegan. Hún var úti í búð að kaupa sér kótelettur. Hvað er það þá sem veldur því að manneskjan lætur svona? Þessu hef ég velt fyrir mér, því ég er ein þeirra fjölmörgu sem Inga Sæland vænir um saknæmt athæfi gagnvart skepnum. Elskar hún dýrin svona mikið? Hvers vegna hugsar hún þá bara um blóðmerar en ekki aðrar skepnur í umsjá manna hérlendis? Þetta var mér ráðgáta þar til lítill hrossagaukur í Hrútafirði hvíslaði því að mér að rót málsins sé samband Ingu sjálfrar við mann sem kallaður er Halldór í Holti. Halldór Gunnarsson var sóknarprestur í Holti undir Eyjafjöllum. Hann er Sjálfstæðismaður af gamla skólanum en sagði sig úr flokknum nokkru eftir hrunið þar sem Sjálfstæðisflokkurinn hefði gengið auðvaldinu á hönd. Fyrir Alþingiskosningar árið 2013 stofnuðu Halldór og fleira fólk Flokk heimilanna en náðu ekki þingsæti. Sá flokkur mætti örlögum sínum þegar tveir strákar komust yfir fjármuni flokksins, sem var ríkisframlagið, og eyddu þeim í sjálfa sig. En Halldór gamli gafst ekki upp við þessa tilraun til nýsköpunar í stjórnmálum. Fátækt fólk og öryrkjar voru reist úr öskustó og Flokkur fólksins var stofnaður vorið 2016. Inga Sæland varð formaður, Halldór Gunnarsson var varaformaður. Flokkurinn kom fjórum mönnum á þing haustið 2017 og Inga Sæland var drottningin. Í upphafi mun Inga hafa haft litla reynslu af fjármálum og félagsmálum en hún gerðist engu að síður prókúruhafi flokksins, ásamt því að vera formaður. Sonur hennar var gerður að framkvæmdastjóra. Í febrúar 2019 skýrði Halldór frá því í grein í Morgunblaðinu að tilteknum flokksfélögum hefði ofboðið siðleysi Ingu Sæland þegar hún vildi hafna móttöku hækkaðra fjárframlaga til stjórnmálaflokka en samtímis þiggja þá fjármuni fyrir hönd Flokks fólksins. Þessum mönnum var vikið úr flokknum. Inga þurfti ekki að reka Halldór því hann fór sjálfur. Hreinsanirnar í Flokki fólksins hafa reynst áhrifaríkar. Á heimasíðu flokksins er saga hans nú skráð svona: „Inga Sæland, formaður og stofnandi flokksins, er í forystusæti listans. Inga stofnaði Flokk fólksins árið 2016 og hefur verið þingmaður hans frá árinu 2017.“ Inga Sæland stofnaði flokkinn ein og sjálf, enginn kom að því nema Inga Sæland og Inga Sæland er aðal. Hvað kemur þessi pólitíska ástarsaga og skilnaður Ingu Sæland og Halldórs í Holti meintu dýraníði merabænda við? Jú, Halldór í Holti var framkvæmdastjóri Félags hrossabænda í 20 ár. Hann var frumkvöðull í blóðmerahaldi hér á landi og hefur verið viðloðandi þá búgrein öll þau 40 ár sem hún hefur verið stunduð. Vinnandi fólk á 119 bæjum víðs vegar um landið verður fyrir barðinu á Ingu Sæland þegar hún öskrar DÝRANÍÐ. En hún er líklega ekki að öskra á okkur. Hún er að öskra á Halldór í Holti. Yfirlýst markmið Flokks fólksins eru að útrýma fátækt og berjast gegn spillingu. Nú leggur formaður flokksins fram frumvarp í annað sinn um að banna blóðmerahald, heila búgrein í landbúnaði. Þeir sem landbúnað stunda eru langflestir mjög lágt launaðir og bera lítið úr býtum. Ætlar Flokkur fólksins að útrýma fátækt með því að útrýma fátækum og byrjar á heimilum nokkurra bænda, sem enn hjara í hnignandi byggðum landsins? Mér finnst það ósennilegt. Mér finnst sennilegra að hér ráði bara venjuleg spilling og hefnigirni för. Ég veit ekki hver örlög Ingu Sæland verða. Hún á eftir að skapa sér þau sjálf. Höfundur er sjálfstæður rannsakandi óheilinda og illsku.
Opið bréf til Ingu Sæland Sæl frú Inga Sæland. Er í alvörunni ekki gerð nein krafa um að það, sem þið á Alþingi látið út úr ykkur í pontu, sé satt og rétt? Þegar þú lætur frá þér frumvarp, sem hefur áhrif á þó nokkuð marga, er þá ekki lágmarkskrafa að þið hafið kannað allar hliðar og hafið réttar upplýsingar? Ekki afbakaðar og tilhæfulausar lygar. 21. janúar 2022 13:47
Verður þér að góðu? Álfhildur Leifsdóttir,Hólmfríður Jennýjar Árnadóttir, ,Hólmfríður Sigþórsdóttir Skoðun
Skoðun Verður þér að góðu? Álfhildur Leifsdóttir,Hólmfríður Jennýjar Árnadóttir, ,Hólmfríður Sigþórsdóttir skrifar
Skoðun Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir skrifar
Verður þér að góðu? Álfhildur Leifsdóttir,Hólmfríður Jennýjar Árnadóttir, ,Hólmfríður Sigþórsdóttir Skoðun