Viðskipti innlent

Ólafur Teitur stýrir sam­skipta- og kynningar­málum Car­b­fix

Atli Ísleifsson skrifar
Ólafur Teitur Guðnason.
Ólafur Teitur Guðnason. Carbfix

Ólafur Teitur Guðnason hefur verið ráðinn til að stýra samskiptum og kynningarmálum Carbfix.

Þetta kemur fram í tilkynningu frá OR, en Innherji greindi frá því fyrr í dag að Ólafur Teitur myndi hefja störf hjá fyrirtækinu í mars. 

Ólafur Teitur er stjórnmálafræðingur og hefur undanfarin fimm ár verið aðstoðarmaður Þórdísar Kolbrúnar Reykfjörð Gylfadóttur þegar hún gegndi embætti ferðamála-, iðnaðar- og nýsköpunarráðherra. 

„Hann var þar áður framkvæmdastjóri samskiptasviðs Rio Tinto á Íslandi, fjölmiðlafulltrúi Straums-Burðaráss og fréttamaður í um áratug, m.a. á RÚV og Viðskiptablaðinu. Ólafur Teitur tekur til starfa hjá Carbfix í byrjun mars,“ segir í tilkynningunni. 

Haft er eftir Ólafi Teiti að Carbfix sé að hans mati eitt mest spennandi fyrirtæki landsins um þessar mundir. „Ég hlakka virkilega til að ganga til liðs við öflugt teymi fyrirtækisins og taka þátt í þeim tímamótaverkefnum á sviði föngunar og varanlegrar kolefnisbindingar sem fyrirtækið vinnur að í þágu loftslagsins," segir Ólafur Teitur.

Vistaskipti Orkumál Auglýsinga- og markaðsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið