Viðskipti erlent

Verðbólga ekki meiri í fjörutíu ár

Samúel Karl Ólason skrifar
Verðbréfahöllin í New York, þar sem dagurinn hefur verið erfiður.
Verðbréfahöllin í New York, þar sem dagurinn hefur verið erfiður. AP/Seth Wenig

Verðbólga í Bandaríkjunum er nú sjö prósentum meiri en hún var fyrir ári síðan og hefur hún ekki tekið jafn stórt stökk í fjörutíu ár eða frá árinu 1982. Verðlag vestanhafs hefur aukist mjög að undanförnu á sama tíma og yfirvöld landsins hafa dælt peningum inn í hagkerfið og lækkað vexti.

Þá hefur neysla aukist mjög samhliða vöruskorti vegna skorts á vinnuafli og hráefnum, samkvæmt frétt AP fréttaveitunnar.

Verðbólgan hefur étið upp launahækkanir síðasta árs og kannanir vestanhafs sýna að kjósendur eru farnir að hafa meiri áhyggjur af verðbólgunni en faraldri kórónuveirunnar.

Hækkandi verð á eldsneyti og matvælum hefur komið verulega niður á vinsældum Joes Biden, forseta Bandaríkjanna, og er hann undir miklum þrýstingi varðandi það að snúa þessari þróun við.

Í frétt Reuters er haft eftir sérfræðingum að Seðlabanki Bandaríkjanna muni byrja að hækka vexti strax í mars og það verði að líklega gert þó nokkrum sinnum á árinu en fjöldinn muni velta á pólitískum þrýstingi.

Þá búast hagfræðingar við því að draga muni úr verðbólgu þegar ómíkron-bylgjan gengur niður og neysluhættir Bandaríkjamanna færast í eðlilegt horf. Þá eru einnig vísbendinar um að draga sé úr þeim vandræðum sem leitt hafa til vöruskorts.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
VIS
1,05
1
250
ORIGO
0,77
2
590
SVN
0,41
3
642
ARION
0
7
88.273
EIM
0
2
1.768

Mesta lækkun dagsins


Félag
Br.%
Fjöldi
Velta*
MAREL
-1,72
6
40.539
SKEL
-1,3
2
46.532
HAGA
-1,06
1
35.125
SJOVA
-0,53
3
27.749
ICEAIR
-0,51
28
52.445
Velkomin á Vísi. Þessi vefur notar vafrakökur. Sjá nánar.