Bílar

Myndband: Volvo ætlar að hefja sölu sjálfkeyrslukerfis á árinu

Kristinn Ásgeir Gylfason skrifar
Hugmyndabíllinn Volvo Recharge.
Hugmyndabíllinn Volvo Recharge.

Volvo hefur tilkynnt að fyrirtækið hyggist í samstarfi við Luminar Technologies hefja sölu sjálfkeyrslukerfis í bílum sínum á árinu. Viðskiptavinir í Kaliforníu munu vera þeir fyrstu til að fá að prófa kerfið, sem heitir Ride Pilot. Notkun kerfisins verður háð áskrift af því.

Yfirmaður tæknimála hjá Volvo, Henrik Green hefur sagt að kerfið muni gera meira en þarf til að flokkast sem þriðja stigs skjálfkeyrslukerfi samkvæmt skilgreiningum Samfélags bifreiðaverkfræðinga.

„Við munum ekki þurfa hendur ökumanna á stýrinu og við munum ekki krefjast þess að ökumenn fylgist með veginum framundan,“ sagði Green í samtali við The Verge.

Þetta mun setja Volvo í forystusætið þegar kemur að sjálfkeyrslukerfum. Tesla FSD kerfið er annars stigs kerfi og gerir þarfnast þess að ökumaður sé reiðubúinn að taka stjórn með stuttum fyrirvara.

Ride Pilot kerfið notast við 16 úthljóðsskynjara sem og 8 myndavélar og fimm radarskynjara. Kerfið verður fáanlegt í væntanlegum rafbílum Volvo seinna á árinu. Þar á meðal er rafdrifin útgáfa af XC90 bílnum, sem á enn eftir að kynna.

Volvo ætlar að kynna kerfið fyrst í Kaliforníu vegna þess að leyfið er auðsóttast frá samgönguyfirvöldum í Kaliforníu til að prófa kerfið á götum úti. Svo virðist sem eingöngu verði hægt að fá aðgang að kerfinu í gegnum áskrift. Með því vonar Volvo að margir notendur prófi kerfið. Leyfið liggur ekki fyrir ennþá svo það er enn mögulegt að ekki verði af prófunum í Kaliforníu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.