Innherji

Fjármálastjóri Eskju og eigandi ÞG Verks taka sæti í stjórn Magns

Þorsteinn Friðrik Halldórsson skrifar
Páll Snorrason og Þorvaldur Gissurarson.
Páll Snorrason og Þorvaldur Gissurarson. Samett mynd

Páll Snorrason, framkvæmdastjóri fjármála- og rekstrarsviðs Eskju, og Þorvaldur Gissurarson, forstjóri og eigandi verktakafélagsins ÞG Verks, hafa tekið sæti í stjórn færeyska félagsins P/F Magn. Þetta kemur fram í frétt færeyska miðilsins KVF.

Í lok síðasta árs gekk Skeljungur frá sölu á Magni til Sp/f Orkufélagsins og í kjölfarið viku Árni Pétur Jónsson, forstjóri Skeljungs, og Jón Ásgeir Jóhannesson, stjórnarformaður, úr stjórn Magns.

Endanlegt kaupverð nam 12,2 milljörðum króna en Skeljungur er skuldbundinn til að endurfjárfesta 2,8 milljörðum króna í Orkufélaginu gegn því að eignast ríflega 48 prósenta hlut. Magn rekur 11 smásölu- og bensínstöðvar víðs vegar um Færeyjar ásamt því að vera leiðandi í sölu eldsneytis til húshitunar.

Í frétt færeyska miðilsins kemur fram að Íslendingar eigi 60 prósent í Orkufélaginu. Uppstokkun stjórnarinnar ber með sér að eigendur útgerðarinnar Eskju séu, ásamt Þorvaldi, á meðal íslenskra fjárfesta sem eiga 12 prósenta hlut á móti Skeljungi.

Þorsteinn Kristjánsson og Björk Aðalsteinsdóttir, aðaleigendur Eskju, tóku þátt í fjármögnun fjárfestingafélagsins Strengs, sem eignaðist rétt rúmlega helmingshlut í Skeljungi í byrjun árs 2021. Lögðu þau fjárfestingafélaginu til 485 milljónir króna.

Þorvaldur hefur stundað atvinnurekstur í Færeyjum frá árinu 2006. Þar rekur hann meðal annars steypustöð og kranaþjónustu.


Innherji er nýr sjálfstæður áskriftarmiðill innan Vísis sem mun einkum beina kastljósinu að viðskiptalífinu, efnahagsmálum og stjórnmálum. Fyrst um sinn verður efnið endurgjaldslaust og aðgengilegt öllum á Vísi en með tímanum verður einungis hægt að nálgast Innherja gegn greiðslu. Áhersla er lögð á vandaðar fréttir, fréttaskýringar, viðtöl og hlaðvörp auk þess sem Innherja er ætlaður að vera vettvangur skoðanaskipta fólks úr atvinnulífinu og stjórnmálum.


Tengdar fréttir

Fjárfestar veðji á mikinn söluhagnað hjá Skeljungi

Verðmatsgengi Skeljungs, samkvæmt greiningu Jakobsson Capital, hljóðar upp á 11 krónur á hlut en markaðsgengi smásölufélagsins er í dag 13,9 krónur, eða 26 prósentum hærra. Í verðmatinu er þó lögð áhersla á að verðmatsgengið segi aðeins hálfa söguna í ljósi þess að Skeljungur er í miklum breytingafasa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.