Viðskipti erlent

Met­ár hjá Súes­skurðinum þrátt fyrir strand Ever Given

Atli Ísleifsson skrifar
Flutningaskipið Ever Given strandaði í skurðinum í mars á síðasta ári.
Flutningaskipið Ever Given strandaði í skurðinum í mars á síðasta ári. EPA

Tekjur egypska ríkisins af Súesskurðinum á síðasta ári hafa aldrei verið meiri, þrátt fyrir að flutningaskipið Ever Given hafi stíflað skurðinn í um viku síðasta vor.

Tekjurnar á síðasta ári námu alls 6,3 milljörðum dala, um 824 milljörðum íslenskra króna, og er um að ræða nærri 13 prósenta tekjuaukningu milli ára.

Þetta segir Osama Rabie, yfirmaður skipaskurðamála í Egyptalandi, að því er segir í frétt AP.

Alls fóru 20.694 skip um skurðinn á síðasta ári, samanborið við 18.830 skip á árinu 2020. Er því um 10 prósenta aukningu að ræða.

Flutningaskipið Ever Given strandaði í skurðinum í mars á síðasta ári og stíflaði alla skipaumferð í um sex daga, eða þar til tókst að losa skipið af strandstað.

Um tíu prósent alheimsviðskipta fer um Súesskurðinn, þar með talið sjö prósent allrar olíu. Skurðurinn tengir Miðjarðarhafið og Rauðahaf og opnaði fyrst árið 1869.


Tengdar fréttir

Ever Given losnar úr haldi egypskra yfirvalda

Egypsk yfirvöld hafa samið við skipafélagið Evergreen, eiganda Ever Given, og tryggjendur félagsins um skaðabætur vegna strands skipsins í Súesskurðinum í maí síðastliðnum.

Hafa loksins leyst úr mestu flækjunni við Súes­­skurðinn

Loks hefur endanlega tekist að leysa úr mestu flækjunni sem skapaðist í og við Súesskurðinn þegar flutningaskipið Ever Given festist þversum í skipaskurðinum. Yfir fjögur hundruð skip sátu föst á meðan unnið var að því að losa Ever Given sem festist í skurðinum þann 23. mars og sat fast í nokkra daga.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.