Eldað af ást: „Kalorínurnar eru eftirlætis eftirréttur minnar fjölskyldu“

Sylvía Rut Sigfúsdóttir skrifar 22. desember 2021 14:29

Kristín Björk er umsjónarkona matreiðsluþátttanna Eldað af ást. Vísir

Í dag fer af stað nýr matreiðsluþáttur hér á Vísi, Eldað af ást. Þáttastjórnandinn er matgæðingurinn Kristín Björk og fyrsta uppskriftin sem hún sýnir er girnilegur eftirréttur sem hún kallar Kalorínur.

Kristín Björk heldur úti skemmtilegri Instagram síðu en þættirnir hennar munu birtast vikulega hér á Vísi. Fyrstu tveir þættirnir verða sýndir í desember.

„Kalorínurnar eru eftirlætis eftirréttur minnar fjölskyldu. Þær eru einfaldar að gera, gott að vera búin að gera þær í tæka tíð og geyma í frysti. Svo eru þær einstaklega fallegar fyrir augað sem gera þær enn bragðbetri, ef það er mögulega hægt. Ég set þær í nokkur lítil form en það má að sjálfsögðu setja þær í eitt stórt form, allt eftir smekk,“ segir Kristín Björk um réttinn í fyrsta þætti. Uppskriftina má svo finna hér neðar í fréttinni.

Klippa: Eldað af ást - Kalórínur

Kalorínur

Botn

175 gr Lu kex
1 msk púðursykur
75 gr brætt smjör

Krem

500 gr þeyttur rjómi
1 msk vanillusykur
250 gr Mascarpone
4 msk appelsínusafi
100 gr sykur

Til skrauts

Karamella
Bláber
Mynta

Eldað af ást eru glænýir og girnilegir matreiðsluþættir á Vísi, Stöð 2 Vísi og Stöð 2+. Kristín Björk, matarbloggari og flugfreyja stýrir þáttunum. Kristín er mikil stemningsmanneskja með óbilandi áhuga á fólki og mat. Hún heldur úti vinsælu Instagrammi þar sem hún deilir girnilegum uppskriftum. Í þáttunum mun Kristín kokka upp ljúffenga rétti og töfra fram notalega stemningu.

Jól Uppskriftir Eftirréttir Eldað af ást