Myndband: Tesla virkjar virka veghljóðsvörn fyrir Model S og X

Fyrir skemmstu hóf Telsa að setja hátalara sem eiga að sinna virkri hljóðeinangrun. Tesla hefur einungis sett hátalarana í Model S og X. Hátalararnir hafa ekki verið virkir hingað til. Nýleg hugbúnaðaruppfærlsa virkjaði hátalarana.

Virk veghljóðsvörn er ekki ný undir sólinni. Lexus LS, Cadillac XTS, Lincoln Continental og Honda Accord hafa áður státað af þessum eiginleika. Ásamt mörgum fleiri.

En er þetta raunverulega hjóðvörn? Það er augljóst að eigendur nýrra Tesla bifreiða myndu prófa búnaðinn og taka af því myndbönd. Hér að neðan má sjá myndband frá Michael Hopwood á Youtube.

Á myndbandinu leggur ökumaðurinn áherslu á að búnaðurinn sé ekki að útiloka öll veghljóð eins og er. Bíllinn sem ekið er í myndbandinu er Model S, árgerð 2021, Long Range á 19 tommu felgum og Continental Pro Contact heilsársdekkjum.