Viðskipti innlent

Elísa Arna og Gunnar nýir hag­fræðingar hjá Við­skipta­ráði

Hallgerður Kolbrún E. Jónsdóttir skrifar
Elísa Arna og Gunnar eru nýir hagfræðingar hjá Viðskiptaráði Íslands.
Elísa Arna og Gunnar eru nýir hagfræðingar hjá Viðskiptaráði Íslands. Viðskiptaráð Íslands

Elísa Arna Hilmarsdóttir og Gunnar Úlfarsson hafa verið ráðin hagfræðingar hjá Viðskiptaráði Íslands. Þau munu saman skipa hagfræðiteymi ráðsins og hafa umsjón með málefnastarfi Viðskiptaráðs, sinna greiningum, skrifum og útgáfu. 

Þetta kemur fram í tilkynningu frá Viðskiptaráði. Nýlega var tilkynnt að Konráð S. Guðjónsson, aðstoðarframkvæmdastjóri og hagfræðingur Viðskiptaráðs, muni hætta hjá samtökunum snemma á næsta ári. Konráð efur starfað sem hagfræðingur ráðsins frá ársbyrjun 2018. 

Elís Arna er með B.Sc. gráðu í hagfræði frá Háskola Íslands og hefur undanfarið starfað sem sérfræðingur hjá Viðskiptaráði en áður var hún hagfræðingur hjá hagfræði- og peningastefnusviði Seðlabanka Íslands. Þá sinnti hún sumarstörfum fyrir SL lífeyrissjóð og Arion banka auk dæmatíma- og aðstoðarkennslu við HÍ. 

Gunnar er sömuleiðis með B.Sc. gráðu í hagfræði frá Háskóla Íslands og meistaragráðu í hagfræði og fjármálum frá St. Andrews háskólanum í Skotlandi. Undanfarið ár hefur hann unnið hjá RR ráðgjöf auk þes að sinna stundakennslu við HÍ. Þá hefur hann einnig starfað hjá Samkeppniseftirlitinu. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.