Bloggari eða ekki, Björn Ingi heldur ótrauður áfram Kolbeinn Tumi Daðason skrifar 16. desember 2021 12:10 Björn Ingi heiti ég frá Viljanum stóð á grímum sem Björn Ingi lét prenta í faraldrinum og mætti með á upplýsingafundi vegna kórónuveirufaraldursins. Vísir/Vilhelm Björn Ingi Hrafnsson, sem heldur úti vefsíðunni Viljanum, er ósáttur við skoðun formanns Blaðamannafélags Íslands að Viljinn sé bloggsíða hans. Hann bendir á að formaður félagsins sé fréttamaður hjá Ríkisútvarpinu og spyr hvort draumurinn sé að allir blaðamenn vinni hjá ríkinu. Deilan birtist í kjölfar þess að Margrét Friðriksdóttir fékk miðilinn Fréttin.is skráðan sem fjölmiðil hjá Fjölmiðlanefnd. Margrét segist hafa stofnað miðilinn vegna þess að aðrir fjölmiðlar stundi markvissa þöggun á ákveðnum fréttum. Margrét Friðriksdóttir stofnaði nýlega miðilinn Fréttin.is.Vísir Sigríður Dögg Auðunsdóttir, formaður Blaðamannafélags Íslands, sagði í samtali við Stundina að miðillinn sé bloggsíða sem vilji líta á sig sem fjölmiðil. Fréttir séu settar fram í ákveðnum tilgangi og starfi þannig ekki samkvæmt grundvallarreglum blaðamennsku. „Við einbeitum okkur að því að birta fréttir byggðar á trúverðugum heimildum sem aðrir miðlar treysta sér ekki til að fjalla um,“ segir um ritstjórnarstefnu Fréttin.is á vef Fjölmiðlanefndar. Margrét er skráð fyrirsvarsmaður og ábyrgðarmaður miðilsins. Ásýnd fjölmiðils en sé í raun bara bloggsíða Björn Ingi Hrafnsson hefur haldið úti Viljanum í að verða tvö ár en miðillinn er sömuleiðis skráður á vef Fjölmiðlanefndar. Viðvera Björns Inga á upplýsingafundum almannavarna vakti á sínum tíma mikla athygli enda á fæstra vitorði hver miðilinn var fyrr en á umræddum fundum. Björn Ingi er skráður ritstjóri og ábyrgðarmaður miðilsins en Hrafn Björnsson, faðir hans, er útgefandi og fyrirsvarsmaður. Um ritstjórnarlegt sjálfstæði segir að ritstjóri ráði einn efnisvali og beri ábyrgð á því. Fréttir á vefnum, sem undanfarnar vikur hafa verið í kringum ein á dag eða tæplega það, eru ýmist merktar „Ritstjórn“ eða „Kallinn“. Sigríður Dögg Auðunsdóttir tók við formennsku í Blaðamannafélagi Íslands á síðasta ári.Vísir/Vilhelm Sigríður Dögg segir Viljann hafa ásýnd fjölmiðils en hún líti þó á hana sem bloggsíðu. „Við höfum séð þetta á síðastliðnum 18 mánuðum að Björn Ingi titlar sig sem blaðamann á Viljanum en hann er ekkert annað en bloggari á sinni eigin bloggsíðu. Hann hefur ekki verið að auka skilning fólks á því hvað felst í því að vera blaðamaður,“ segir Sigríður Dögg í samtali við Stundina. Hún sé ekki að saka Björn Inga um óheiðarleg vinnubrögð. „Ég er að halda því fram að miðillinn hans geti ekki talist áreiðanlegur fréttamiðill sem vinnur samkvæmt skilgreiningum ritstjórnar og þeim vinnubrögðum sem þar eru viðhöfð því þetta er bara einn maður sem heldur úti bloggsíðu, það getur aldrei verið ritstjórn.“ Vísbending um að hann sé að gera eitthvað rétt Björn Ingi er ekki sáttur við þessi ummæli Sigríðar Daggar og svarar fyrir sig á Facebook. „Þetta er ansi merkileg sending frá formanni Blaðamannafélags Íslands, sem reyndar er líka starfsmaður Rikisútvarpsins sem er hægt og bítandi að kremja niður frjálsa fjölmiðlun í landinu og þarf endalaust meira fjármagn. Kannski er draumurinn sá að allir fjölmiðlamenn vinni hjá ríkinu,“ spyr Björn Ingi. Sigríður Dögg megi vel hafa sína skoðun. Hann ætli ekki að elta ólar við skoðun hennar að hann sé bloggari. „Að hún skuli nefna mig og Viljann sérstaklega er líklega bara vísbending um að maður sé að gera eitthvað rétt,“ segir Björn Ingi. Hann nýtir tækifærið og rifjar upp feril sinn í fjölmiðlum. „Hef verið blaðamaður, fréttastjóri, þingfréttamaður, íþróttafréttamaður, ritstjóri, útgefandi og þáttastjórnandi í mörg hundruð þáttum í útvarpi og sjónvarpi,“ segir Björn Ingi sem fór fyrir Vefpressunni um tíma þar til fjölmiðlasamsteypan varð gjaldþrota. Hann segist ætla ótrauður að halda áfram að eiga samskipti við landsmenn vegna kórónuveirufaraldursins og sérfræðinga í því skyni að miðla upplýsingum og koma álitaefnum á framfæri við fólk. „En mikið væri nú gott að sjá formann Blaðamannafélagsins lyfta litlafingri til að verja frjálsa fjölmiðlun í þessu landi áður en hún deyr út í stað þess að ráðast að þeim sem eru þó að reyna að gera eitthvað.“ Fjölmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segja markaðstorg blóðmjólka fyrirtæki Viðskipti innlent Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fleiri fréttir Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Sjá meira
Deilan birtist í kjölfar þess að Margrét Friðriksdóttir fékk miðilinn Fréttin.is skráðan sem fjölmiðil hjá Fjölmiðlanefnd. Margrét segist hafa stofnað miðilinn vegna þess að aðrir fjölmiðlar stundi markvissa þöggun á ákveðnum fréttum. Margrét Friðriksdóttir stofnaði nýlega miðilinn Fréttin.is.Vísir Sigríður Dögg Auðunsdóttir, formaður Blaðamannafélags Íslands, sagði í samtali við Stundina að miðillinn sé bloggsíða sem vilji líta á sig sem fjölmiðil. Fréttir séu settar fram í ákveðnum tilgangi og starfi þannig ekki samkvæmt grundvallarreglum blaðamennsku. „Við einbeitum okkur að því að birta fréttir byggðar á trúverðugum heimildum sem aðrir miðlar treysta sér ekki til að fjalla um,“ segir um ritstjórnarstefnu Fréttin.is á vef Fjölmiðlanefndar. Margrét er skráð fyrirsvarsmaður og ábyrgðarmaður miðilsins. Ásýnd fjölmiðils en sé í raun bara bloggsíða Björn Ingi Hrafnsson hefur haldið úti Viljanum í að verða tvö ár en miðillinn er sömuleiðis skráður á vef Fjölmiðlanefndar. Viðvera Björns Inga á upplýsingafundum almannavarna vakti á sínum tíma mikla athygli enda á fæstra vitorði hver miðilinn var fyrr en á umræddum fundum. Björn Ingi er skráður ritstjóri og ábyrgðarmaður miðilsins en Hrafn Björnsson, faðir hans, er útgefandi og fyrirsvarsmaður. Um ritstjórnarlegt sjálfstæði segir að ritstjóri ráði einn efnisvali og beri ábyrgð á því. Fréttir á vefnum, sem undanfarnar vikur hafa verið í kringum ein á dag eða tæplega það, eru ýmist merktar „Ritstjórn“ eða „Kallinn“. Sigríður Dögg Auðunsdóttir tók við formennsku í Blaðamannafélagi Íslands á síðasta ári.Vísir/Vilhelm Sigríður Dögg segir Viljann hafa ásýnd fjölmiðils en hún líti þó á hana sem bloggsíðu. „Við höfum séð þetta á síðastliðnum 18 mánuðum að Björn Ingi titlar sig sem blaðamann á Viljanum en hann er ekkert annað en bloggari á sinni eigin bloggsíðu. Hann hefur ekki verið að auka skilning fólks á því hvað felst í því að vera blaðamaður,“ segir Sigríður Dögg í samtali við Stundina. Hún sé ekki að saka Björn Inga um óheiðarleg vinnubrögð. „Ég er að halda því fram að miðillinn hans geti ekki talist áreiðanlegur fréttamiðill sem vinnur samkvæmt skilgreiningum ritstjórnar og þeim vinnubrögðum sem þar eru viðhöfð því þetta er bara einn maður sem heldur úti bloggsíðu, það getur aldrei verið ritstjórn.“ Vísbending um að hann sé að gera eitthvað rétt Björn Ingi er ekki sáttur við þessi ummæli Sigríðar Daggar og svarar fyrir sig á Facebook. „Þetta er ansi merkileg sending frá formanni Blaðamannafélags Íslands, sem reyndar er líka starfsmaður Rikisútvarpsins sem er hægt og bítandi að kremja niður frjálsa fjölmiðlun í landinu og þarf endalaust meira fjármagn. Kannski er draumurinn sá að allir fjölmiðlamenn vinni hjá ríkinu,“ spyr Björn Ingi. Sigríður Dögg megi vel hafa sína skoðun. Hann ætli ekki að elta ólar við skoðun hennar að hann sé bloggari. „Að hún skuli nefna mig og Viljann sérstaklega er líklega bara vísbending um að maður sé að gera eitthvað rétt,“ segir Björn Ingi. Hann nýtir tækifærið og rifjar upp feril sinn í fjölmiðlum. „Hef verið blaðamaður, fréttastjóri, þingfréttamaður, íþróttafréttamaður, ritstjóri, útgefandi og þáttastjórnandi í mörg hundruð þáttum í útvarpi og sjónvarpi,“ segir Björn Ingi sem fór fyrir Vefpressunni um tíma þar til fjölmiðlasamsteypan varð gjaldþrota. Hann segist ætla ótrauður að halda áfram að eiga samskipti við landsmenn vegna kórónuveirufaraldursins og sérfræðinga í því skyni að miðla upplýsingum og koma álitaefnum á framfæri við fólk. „En mikið væri nú gott að sjá formann Blaðamannafélagsins lyfta litlafingri til að verja frjálsa fjölmiðlun í þessu landi áður en hún deyr út í stað þess að ráðast að þeim sem eru þó að reyna að gera eitthvað.“
Fjölmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segja markaðstorg blóðmjólka fyrirtæki Viðskipti innlent Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fleiri fréttir Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Sjá meira