Jól

Jóla­molar: Er ein af þeim fáu sem sendir enn­þá jóla­kort

Elma Rut Valtýsdóttir skrifar
Eva Laufey Kjaran gaf nýverið út sína fjórðu bók, Bakað með Evu, ásamt því að hafa verið að frumsýna aðra þáttaröð af Blindum bakstri.
Eva Laufey Kjaran gaf nýverið út sína fjórðu bók, Bakað með Evu, ásamt því að hafa verið að frumsýna aðra þáttaröð af Blindum bakstri. Vísir/Vilhelm

Það er óhætt að segja að dagskrárgerðarkonan Eva Laufey Kjaran sé ein af þeim sem bakar tvær ef ekki þrjár sortir fyrir jólin. Hún er mikið jólabarn og hefst undirbúningurinn snemma hjá henni. Hún gaf nýlega út sína fjórðu bók, Bakað með Evu, ásamt því að hafa verið að frumsýna aðra þáttaröð af Blindum bakstri síðasta sunnudag en fyrstu þættirnir verða í sérstökum hátíðarbúningi.

Jólamolar Vísis munu birtast reglulega fram að jólum. Þar fáum við að kynnast þjóðþekktum einstaklingum í nýju ljósi og komast að því hvað það er sem kemur þeim í jólagírinn. Jólamolunum er ekki síður ætlað að koma lesendum Vísis í hið eina sanna jólaskap.

Hvort myndirðu skilgreina þig sem Elf eða The Grinch?

Ég er mjög mikið jólabarn og skilgreini mig sem Elf. Ég elska þennan árstíma og byrja helst í nóvember að skreyta og hlusta á jólalög.

Hver er þín uppáhalds jólaminning?

Þær eru margar ljúfar minningar úr æsku, það er eitthvað svo töfrandi við jólin sem barn. Þorláksmessukvöld var alltaf fjörugt, þá kom jólatréð í hús og við fengum að skreyta. Síðan vorum við böðuð og sett í ný náttföt, um kvöldið/nóttina kláruðu svo mamma og pabbi að pakka inn pökkum og gera heimilið einstaklega fínt. Að labba niður stigann full eftirvæntingar á aðfangadagsmorgun og sjá alla pakkana og kósíheitin á heimilinu er minning sem ég held mikið upp á. Morguninn byrjaði svo á jólamynd og svo keyrðum við út jólakortum. Ljúfar og góðar minningar.

Hver er eftirminnilegasta jólagjöf sem þú hefur fengið?

Pakkarnir frá stelpunum mínum, það eru uppáhalds gjafirnar og ég bíð spennt eftir að opna þær á aðfangadag. Fallegt föndur sem þær hafa búið til í leikskóla og skóla.

Hver er versta jólagjöf sem þú hefur fengið?

Hmm, ég held í alvörunni að ég hafi ekki fengið svo slæma jólagjöf og mér dettur ekkert í hug.

Hver er uppáhalds jólahefðin þín?

Ég er ein af þeim örfáu sem sendi jólakort en mér finnst það svo skemmtilegt og ég elska að fá jólakort. Svo er það bara aðventan, að njóta hennar með heitu súkkulaði og rjóma helst alla daga fram að jólum og auðvitað spilar jólabaksturinn stórt hlutverk í jólahefðum fjölskyldunnar.

Hvað er uppáhalds jólalagið þitt?

It's Beginning to Look a Lot Like Christmas

Hver er þín uppáhalds jólamynd?

Ég hef horft á The Grinch snemma á aðfangadag undanfarin tíu ár eða meira, finnst hún ómissandi.

Hvað borðar þú á aðfangadag?

Yfirleitt er það nú Beef Wellington með öllu tilheyrandi.

Hvað óskar þú þér í jólagjöf í ár?

Náttföt og bækur, það eru svo margar spennandi bækur sem mig langar í. Að fara í ný náttföt með nýja bók upp í rúm á aðfangadagskvöld er draumur.. og það mega fylgja konfektmolar með þessari blöndu.

Hvað er það sem hringir inn jólin fyrir þér?

Heimilið skreytt, börnin spennt og góður matur.

Er eitthvað skemmtilegt á döfinni hjá þér núna fyrir jólin?

Heldur betur, ég er að fylgja eftir fjórðu bókinni minni Bakað með Evu sem kom út fyrir jólin og það er alltaf svo skemmtilegt. Svo er mikill bakstur og fjör þennan mánuðinn sem ég elska.

Blindur bakstur hóf einnig göngu sína síðastliðinn sunnudag og fór þáttaröðin vel af stað með Birnu og Bassa. Gestirnir mínir eru svo frábærir og fyrstu tveir þættirnir eru í hátíðarbúning en svo eftir áramót koma átta „venjulegir“ þættir þar sem bökum ýmislegt spennandi.


Tengdar fréttir

Svona gerir þú piparkökuhúsið úr Blindum bakstri

Blindur bakstur fór af stað á sunnudag og fyrstu tveir þættirnir verða sérstakir jólaþættir. Í fyrri þættinum var bakað piparkökuhús og á næsta sunnudag kemur svo í ljós hvað keppendur þurfa að baka í seinni þættinum. 

Bölvað ves á Bassa í des

Í gærkvöldi fór í loftið jólaútgáfa af Blindum bakstri þar sem Eva Laufey fær til sín skemmtilega gesti næstu tvö sunnudagskvöld.

Jóla­­­molar: Er ekki týpan sem skiptir gjöfum

Selma Björnsdóttir er einstaklega mikið jólabarn. Það er nóg að gera hjá henni í desember en fyrir utan almennan jólaundirbúning syngur hún á alls þrettán jólatónleikum ásamt því að stýra athöfnum hjá Siðmennt og leikstýra. Þá fer hún einnig með hlutverk í sjónvarpsþáttaröðinni Verbúðinni sem frumsýnd verður á RÚV á annan í jólum.

Jóla­molar: Fræsi­hefill, ferða­lög og frönsku­nám­skeið á óska­listanum

Uppistandarinn, rithöfundurinn og kaffihúsaeigandinn Dóri DNA minnist þess með hlýhug þegar hann fékk Hyundai 166 mhz pentium tölvu í jólagjöf sem barn og er það ein af hans uppáhalds jólaminningum. Í dag þykir honum hins vegar lang skemmtilegast að upplifa jólin í gegnum börnin sín og skapa minningar með þeim.

Jólamolar: „Það er Jesúbarnið sem kemur, ekki Heilbrigðiseftirlitið“

Linda Ásgeirsdóttir og Hrefna Hallgrímsdóttir hafa glatt ófá börnin sem hinar litríku persónur Skoppa og Skrítla. Þeir sem horft hafa á Skoppu og Skrítlu vita að þær eru báðar mikil jólabörn og hafa til dæmis verið með jóladagatal á Stöð 2 og jólasýningu í Borgarleikhúsinu. En eru þær Linda og Hrefna jafn mikil jólabörn og vinkonurnar Skoppa og Skrítla?

Jóla­molar: Ekkert verra en að vera þunnur á að­fanga­dag

Fjölmiðlamaðurinn Egill Ploder segir High School Musical DVD-disk vera eina eftirminnilegustu jólagjöf sem hann hefur fengið, þrátt fyrir að hann hafi fengið margar góðar gjafir í gegnum tíðina. Í ár óskar hann sér hins vegar einna helst ryksuguróbót, enda fátt leiðinlegra en að ryksuga að hans mati.

Jóla­molar: Stjórn­laus þegar kemur að möndlu­grautnum

Manuela Ósk Harðardóttir framkvæmdarstjóri Miss Universe Iceland og meðeigandi heilsumiðstöðvarinnar Even labs, segist alltaf byrja að skreyta fyrir jólin mjög snemma. Orðatiltækið „more is more“ sé hennar slagorð þegar kemur að jólaskreytingum, enda séu jólin hennar uppáhaldstími.






Velkomin á Vísi. Þessi vefur notar vafrakökur. Sjá nánar.