Jól

Íslensku tröllin í aðalhlutverki í nýrri ævintýramynd

Sylvía Rut Sigfúsdóttir skrifar
Stilla úr kvikmyndinni Jólamóðir.
Stilla úr kvikmyndinni Jólamóðir.

Í nýrri stiklu fyrir fjölskyldu- og ævintýramyndina Jólamóðir eru kynntir til leiks landsþekkir karakterar og þjóðargersemi, íslensku tröllin. Um leikstjórn sá hinn 27 ára gamli Jakobs Hákonarsonar, sem spreytir sig á stóra tjaldinu í fyrsta skiptið.

Í myndinni fá áhorfendur að fylgja eftir íbúum Grýluhellis, einna helst tröllaskystkinunum Hurðaskelli og Skjóðu og mömmu þeirra Grýlu. Í gegnum myndina bregður fyrir hátt í 70 tröllum sem búa í hellinum fræga að sögn Jakobs. 

„Myndin gerist fyrir langa löngu, hversu löngu er ekki vitað, á stórum tímamótum í lífi tröllanna, stuttu eftir að þau breyttust í þá jólasveina sem við þekkjum í dag. Það hefur gert það að verkum að það eru fleiri spurningar en svör innan fjölskyldunnar og tröllin reyna að læra á sýnar nýju skyldur.“

Sýnishorn úr myndinni má sjá hér fyrir neðan.

Klippa: Jólamóðir - Sýnishorn

Myndin var framleidd af Jakobi ásamt Önnu Bergljótu Thorarensen, Andreu Ösp Karlsdóttur og Sigsteini Sigurbergssyni fyrir framleiðslufyrirtækið A Whole Lotta Love.. Óttar Ingi Þorbergsson sá um kvikmyndatöku. 

Um tónlist sáu Þórður Gunnar Þorvaldsson og Helgi Reynir Jónsson en á meðal leikara eru Andrea Ösp Karlsdóttir, Anna Bergljót Thorarensen, Gríma Kristjánsdóttir, Huld Óskarsdóttir, Sigsteinn Sigurbergsson og Stefán Benedikt Vilhelmsson.

„Eftir að hafa verið skilin eftir alein heima í Grýluhelli, í fyrsta skipti í sögu hellisins, þurfa tröllasystkinin Hurðaskellir og Skjóða að vinna sig í gegnum stirt samband sitt til þess að komast að því hvert allir hinir 98 íbúar hellisins hafa farið. Á ferðalaginu sem tekur við læra systkinin nýja hluti um mömmu sína Grýlu, hvernig það kom til að þau urðu þessi jólafjölskylda og hvað fylgir töfrum jólanna. Grýla er einnig að glíma við sömu spurningar á meðan skyldur hennar sem Jólamóður, verndara töfra jólanna, stangast á við þá grimmu tröllskessu sem hún áður var.“

Pósterinn hannaði Sigríður Ásta Júlíusdóttir.





Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.