Sebastian Kurz sagði af sér sem kanslari Austurríkis í október.EPA
Sebastian Kurz, fyrrverandi kanslari Austurríkis, hefur ákveðið að segja skilið við stjórnmálin. Hinn 35 ára Kurz sagði af sér sem kanslari í október í kjölfar ásakana um spillingu.
Austurrískir fjölmiðlar segja að Kurz hafi ákveðið að hætta í stjórnmálunum af persónulegum ástæðum. Kurz eignaðist á dögunum sitt fyrsta barn og er að sagt haft mikið að segja um ákvörðun hans.
Kurz er leiðtogi austurríska Þjóðarflokksins, ÖVP, og tók fyrst við embætti kanslara árið 2017, þá 31 árs gamall. Hann gegndi stöðunni til ársins 2019 og svo aftur frá 2020 og til októbermánaðar síðastliðinn.
Kurz sagði af sér í október vegna gruns um að hann hafi nýtt skattfé til að kaupa og hafa áhrif á skoðanakannanir, en opinber rannsókn á málinu stendur enn yfir.
Sebastian Kurz, kanslari Austurríkis, hefur ákveðið að segja af sér embættinu í kjölfar mikils þrýstings um það vegna hneykslismáls sem hann og flokkur hans tengjast.
Saksóknarar í Austurríki rannsaka nú Sebastian Kurz, kanslara Austurríkis, vegna gruns um mútuþægni og trúnaðarbrest. Þeir gerðu húsleit á skrifstofu flokks kanslarans og náinna ráðgjafa hans í dag.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
