Matvælaöryggi ekki tryggt við ísframleiðslu hjá Ketó kompaníinu og Pizzunni

Kolbeinn Tumi Daðason skrifar 29. nóvember 2021 13:22

Heilbrigðiseftirlit Hafarfjarðar- og Kópavogssvæðis varaði síðastliðið sumar við neyslu af tilteknum lotum af ís frá Ketó komaníinu. Fyrirtækið innkallaði vörurnar af markaði vegna iðragerla sem greindust í þeim.

Ketókompaníið hefur að höfðu samráði við Heilbrigðiseftirlit Reykjavíkur stöðvað sölu og innkallað frá neytendum Ketóís frá Ketó Kompaníinu og ís frá Pizzunni. Matvælaöryggi viðkomandi vara var ekki tryggt á framleiðslustað.

Þetta kemur fram í tilkynningu frá Reykjavíkurborg.

Um er að ræða fjórar bragðtegundir af ís frá Ketó kompaníinu og tvær frá Pizzunni; Jarðaberja Ostakaka, Kökudeig, Saltkaramelluís, Fílakarmelluís, Daim og Mars Bragðaref (Pizzan) og Hockey Pulver Bragðaref (Pizzan).

Í tilkynningu frá Reykjavíkurborg segir að ástæða innköllunar sé að við eftirlit Heilbrigðiseftirlits Reykjavíkur hafi komið í ljós að matvælaöryggi viðkomandi vara væri ekki tryggt á framleiðslustað. Hætta sé því á að varan sé ekki örugg til neyslu.

Upplýsingar um vöru sem innköllunin einskorðast við;

•Vörumerki: Ketó Kompaní
•Vöruheiti/Vara: Jarðaberja Ostakaka
•Geymsluþol: Best fyrir Dagsetning: Allar dagsetningar.
•Nettómagn: 285 g

•Vörumerki: Ketó Kompaní
•Vöruheiti/Vara: Kökudeig
•Geymsluþol: Best fyrir Dagsetning: Allar dagsetningar
•Nettómagn: 285 g

•Vörumerki: Ketó Kompaní
•Vöruheiti/Vara: Saltkaramelluís
•Geymsluþol: Veljið úr lista. Dagsetning: Allar dagsetningar
•Nettómagn: 285 g

•Vörumerki: Ketó Kompaní
•Vöruheiti/Vara: Fílakaramelluís
•Geymsluþol: Veljið úr lista. Dagsetning: Allar dagsetningar.
•Nettómagn: 285 g

•Vörumerki: Pizzan
•Vöruheiti/Vara: Daim og Mars. Bragðarefur.
•Geymsluþol: Veljið úr lista. Dagsetning: Allar dagsetningar
•Nettómagn: 285 g

•Vörumerki: Pizzan
•Vöruheiti/Vara: Hockey Pulver. Bragðarefur.
•Geymsluþol: Veljið úr lista. Dagsetning: Allar dagsetningar
•Nettómagn: 285 g

Það eru Ketó kompaní og Pizzan, Strandgötu 75 í Hafnarfirði, sem innkalla vörurnar. Fyrirtækin eru bæði í eigu Ólafs Friðriks Ólafssonar. Dreifing er í höndum Hagkaupa, Fjarðarkaupa, Heimkaupa, Melabúðinnar, Ísey Skyrbarnum og sölustöðum Pizzunnar.

„Neytendum sem hafa keypt matvælin er bent á að neyta þeirra ekki. Þeir eru vinsamlegast beðnir um að hafa samband við Ketó Kompaníið (ketokompani@ketokompani.is) og fá hana bætta og eða farga henni. Einnig er hægt að koma með vöru merkta Pizzunni og skila henni á næsta útsölustað Pizzunnar eða farga henni. Hægt er að hafa samband við Pizzuna í gegnum síma: 5788888 eða á netfangið pizzan@pizzan.is,“ segir í tilkynningunni.

Matvælaframleiðsla Innköllun

Tengdar fréttir

Vara við neyslu á ís vegna örverumengunar

Matvælastofnun varar við neyslu á ís frá Ketó kompaní vegna örverumengunar. Um er að ræða innköllun á fjórum tegunum af ís framleiddum á sama degi.

2. júní 2021 13:57

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir