Viðskipti innlent

Fót­bolta­kempa og matar­bloggari söðlar um innan Al­vot­ech

Atli Ísleifsson skrifar
Helena Sævarsdóttir.
Helena Sævarsdóttir. Alvotech

Helena Sævarsdóttir hefur tekið við starfi deildarstjóra í lyfjaframleiðslu (e. Head of Drug Production) hjá líftæknilyfjafyrirtækinu Alvotech, auk þess að taka sæti í stýrihópi tækni- og framleiðslusviðs, þar sem hún mun leiða hóp sérfræðinga í að tryggja innleiðingu framleiðsluferla.

Í tilkynningu frá Alvotech kemur fram að Helena hafi hafið störf hjá Alvotech árið 2016 sem sumarstarfsmaður og svo gengið til liðs við framleiðslusvið að loknu námi.

„Hún hefur gengt ýmsum verkefnum á því sviði, meðal annars sem teymisstjóri og samhæfingarstóri, stýrt þjálfun og innleiðingu á mikilvægum ferlum sem nauðsynlegir eru fyrirtækjum í lyfjaframleiðslu, á tíma þegar verksmiðjan hefur verið í uppbyggingu. Í starfi sínu á Framleiðslusviði, stýrir Helena ört vaxandi hópi sérfræðinga frá 16 þjóðlöndum við sérhæfða framleiðslu líftæknihliðstæðulyfja, fyrir markaði víða um heim. Helena er með BS gráðu í Líftækni frá Háskólanum á Akureyri og er í MBA námi í Háskólanum í Bradford.“

Í tilkyninngunni segir að Helena hafi mikið látið að sér kveða í fótbolta á árum áður, en hún spilaði meðal annars með meistaraflokki KR í nokkur ár. „Hún hefur mikla ástríðu fyrir ljósmyndun og bakstri og heldur meðal annars úti matarblogginu www.helenasaevars.com.“

Vistaskipti Líftækni Lyf


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið