Áfengis- og tóbaksverslun ríkisins ætlar að flytja verslun fyrirtækisins í Austurstræti í nýtt húsnæði á næstunni. Fjórir staðir koma til greina í miðborginni.
Þessar staðsetningar eru á Hallgerðargötu, Fiskislóð, Hallveigarstíg og Hringbraut.
Þetta kemur fram í frétt Fréttablaðsins þar sem haft er eftir Sigrúnu Ósk Sigurðardóttur, aðstoðarforstjóra ÁTVR, að boðið hafi verið húsnæðið og nú verði unnið úr þeim tilboðum og húsnæðið skoðað frekar.
Nánar tiltekið er verið að skoða Hallgerðargötu 19-23 á Kirkjusandi, Fiskislóð 10 á Granda, Hallveigarstíg 1, þar sem Krónan er með verslun, og Hringbraut 119-121, í JL-húsinu.
Áfengis- og tóbaksverslun ríkisins (ÁTVR) hefur auglýst eftir leiguhúsnæði í miðborg Reykjavíkur fyrir verslun sem ætlað er að koma í stað þeirrar sem er til húsa í Austurstræti.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
