Mbl.is segist hafa heimildir fyrir því að Tryggvi sé sakaður um að hafa haft í hótunum gegn Sólveigu Önnu.
„Í dag var ég rekinn frá Eflingu. 27 ára starf var virt að vettugi enda kommúnistar við stjórn. Það er mikil reisn yfir þessu félagi og þetta var það fyrsta sem ný stjórn sýndi til að leysa vandann sem Sólveig skapaði.“
Þannig hljóðar færsla sem Tryggvi Marteinsson, sérfræðingur í kjaramálum, setti inn á Facebook í gærkvöldi. „Skömmin er mikil hjá þeim sem eru titlaðir yfirmenn í dag,“ bætir hann við.
Í fyrstu útgáfu færslunnar sagði Tryggvi einnig: „Ég galt þess að vera Íslendingur og karlmaður.“ Færslunni var síðan breytt.
Í frétt mbl.is frá því í gærkvöldi er haft eftir heimildarmönnum að Tryggvi sé sakaður um að hafa hótað að vinna Sólveigu Önnu Jónsdóttur, fyrrverandi formanni Eflingar, mein.
Sólveig Anna hefur greint frá því í fjölmiðlum að sér hafi verið hótað af hálfu starfsmanns.
Agnieszka Ewa Ziółkowskaer nú formaður Eflingar en enginn er titlaður framkvæmdastjóri á heimasíðu félagsins. Ólöf Helga Adolfsdóttir er varaformaður og Ragnar Ólason aðstoðarframkvæmdastjóri.
Stjórnendur Eflingar hafa beðið fjölmiðla um að láta sig í friði.
Fréttin var uppfærð kl. 8.25 með nýjum upplýsingum.
Agnieszka Ewa Ziółkowska var á stjórnarfundi Eflingar í dag skipuð formaður félagsins til bráðabirgða fram að aðalfundi félagsins næsta vor. Stjórn félagsins er að öðru leyti þögul sem gröfin um næstu skref innan Eflingar og biður fjölmiðla að láta sig í friði.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
