Skammur afhendingartími á vel við Íslendinga

„Yfir 20.000 íslenskir viðskiptavinir hafa verslað við síðuna frá því við opnuðum fyrir íslenskan markað og fjöldi þeirra verslar aftur og aftur,“ segir Jesper Jensen markaðsstjóri vefverslunarinnar Boozt.com. Boozt fór í loftið á Norðurlöndunum 2011 og hér á Íslandi í júní 2021. Boozt.com er ein stærsta vefverslun Norðurlandanna og selur nú til allra landa í Evrópu.

Áhersla á upplifun viðskiptavina

„Við getum boðið viðskiptavinum okkar frábær tilboð og gott verð þar sem við kaupum inn í gífurlega miklu magni. Boozt leggur áherslu á að geta selt réttu vörumerkin og rétt úrval frá hverju merki.

Við getum boðið viðskiptavinum okkar fatnað, íþróttavörur, heimilisvörur, snyrtivörur og barnavörur og okkar markmið er að viðskiptavinir okkar finni nákvæmlega það sem þeir eru að leita að og upplifi hnökralausa verslun gengum netið.

Við leggjum mikla áherslu á upplifun viðskiptavina og Boozt.com er aðgengileg á öllum snjalltækjum og fær mjög háa einkunn á rýnisíðunni Trustpilot,“ segir Jesper.

Gríðarlegt vöruúrval og skammur afhendingartími

Á Boozt.com fást yfir hundrað þúsund ólíkar vörur, 775 ólík vörumerki fyrir konur, 500 ólík vörumerki fyrir karla, 250 vörumerki fyrir börn, 167 vörumerki undir flokknum útlit og fegurð og 210 ólík vörumerki í flokknum heimili.

„Það sem Íslendingar vilja er fljót afgreiðsla og við getum staðið við það. Stuttur afhendingartími er okkar mottó en afhendingartími til Íslands er 2 – 3 dagar. Íslendingar kunna einnig að meta frábært úrval okkar af norrænum vörumerkjum ásamt úrvali stórra, alþjóðlegra vörumerkja. Þá er einnig lítið mál að skila vörum innan 30 daga en greiða þarf 2300 króna gjald,“ segir Jesper.