Albumm

Er þetta of líkt til að vera tilviljun?

Ritstjórn Albúmm.is skrifar
Höskuldur Ólafsson (Kig & Husk) og hljómsveitin SOMA
Höskuldur Ólafsson (Kig & Husk) og hljómsveitin SOMA

Á dögunum barst Albumm ábending um ansi lík tónlistarmyndbönd sem komu út með stuttu millibili. Það eru Íslensku sveitirnar Kig & Husk og SOMA en þegar að er gáð eru myndböndin nánast eins, enda er notast við sama myndefni. 

Í byrjun júní sendi tvíeykið Kig & Husk frá sér lagið „So long holly“ en laginu fylgir tónlistarmyndband. Það er Quarashi kappinn Höskuldur Ólafsson og tónlistarmaðurinn Frank Hall sem fara fyrir Kig & Husk og er óhætt að segja að Hössi hefur svo sannarlega engu gleymt. Hér fyrir neðan má sjá myndbandið frá Kig & Husk:

Fyrir stuttu sneri hljómsveitin SOMA aftur eftir að hún hætti skyndilega árið 1998 og hefur legið í dvala síðan þá. Nú í haust gaf sveitin nýlega út sitt annað lag ásamt tónlistarmyndbandi og ber það heitið „Bara eitthvað lag.“ Hér fyrir neðan má sjá myndbandið frá SOMA:

Myndefnið er fengið frá Prelinger Archives en þar er hægt að fá afnot af myndefni. Prelinger Archives var stofnað í bandaríkjunum árið 1982 og hefur síðan þá kappkostað við að halda utan um allskonar skemmtileg myndbönd. 

Er þetta hrein tilviljun? eða er þetta of líkt til að vera tilviljun? Hvort myndbandið er betra? Hver dæmir fyrir sig!  

Kig & Husk á Spotify og Youtube

Soma á Facebook og Instagram

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.